Foto’s: Nege sterf in gru-ongeluk in Jhb

Foto: David Tembe/Twitter

Minstens nege persone is Sondagmiddag dood in ʼn gru-ongeluk op die N1 naby die Buccleuch-wisselaar in Johannesburg.

David Tembe, hoof van die Johannesburgse metropolisie (JMPD), het die ongeluk op Twitter bevestig. Die ongeluk het in ʼn suidelike rigting plaasgevind en twee lane is gesluit. Die verkeer is swaar ontwrig weens die ongeluk.

Die bestuurder van ʼn minibustaxi het vermoedelik beheer verloor oor sy voertuig en die betonversperring teen ʼn hoë spoed getref.

Ross Campbell, woordvoerder van ER24, het gesê die dak van die taxi is afgeruk en verskeie passasiers is uit die voertuig geslinger. Hulle het leweloos in die pad gelê. Twee liggame is in die wrak gevind.

Volgens hom is ʼn 14-jarige meisie vermoedelik die jongste onder die oorledenes. Twee volwassenes en ʼn vierjarige het die ongeluk oorleef. Hulle het ernstige tot kritieke beserings opgedoen en is na ʼn hospitaal geneem vir verdere behandeling.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

52 Kommentare

jongste oudste gewildste
Ig

Nog een en weereens n taxi, say no more????????????

Antjie

Haal Putco busse en Taxis van die pad af. Want hul Voel niks vir mense se lewens nie. Hoeveel onskuldige mense moet nog onnodig sterf.

Arno Scheepers

Amerika en Japan het natuurrampe, Suid-Afrika het taxi’s. Natuurlike uitdunning.

tom

Alweer n taxi

Michael P

Dit gebeur as metro polisie net monitor.!!!!!!!!