Foto’s: Talle buurte sonder krag weens substasie-brand

Foto: City Power

Verskeie woonbuurte in Johannesburg is sonder elektrisiteit gelaat nadat ʼn groot brand Maandagmiddag by ʼn substasie in Eikenhof in die suide van die stad uitgebreek het.

Isaac Mangena, woordvoerder van City Power, het gesê die brand het veroorsaak dat kragtoevoer na Naturena, Kibler Park, Alveda Park, Glenvista, Eikenhof en Loughrin onderbreek is. Die Johannesburg-gevangenis is ook deur die kragonderbreking geraak.

“Tegnici van City Power is na die toneel ontplooi en sal daar die omvang van die skade kan bepaal. City Power vra om verskoning vir die ongerief wat veroorsaak is en sal geaffekteerde inwoners deurentyd op hoogte hou van die verwikkelinge,” het Mangena gesê.

Die oorsaak van die brand is nog nie bekend nie.

Vroeër vanjaar is inwoners van die ooste van Pretoria meer as ʼn week lank sonder elektrisiteit gelaat nadat ʼn brand die Wapadrand-substasie verwoes het.

Foto: City Power

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

13 Kommentare

jongste oudste gewildste
marous

Die sekuriteits wagte wat die sleutel punt op en af patrolleer 24/7 kan sekerlik verklaar hoe dit begin het ?

Eish

Spontane verbranding?
Hoekom slaan die substansies met sulke reëlmaat aan die brand? Is dit n n diens en onderhouds aangeleentheid?

Dawid

DIe krag is vuil en die goed wat nie gediens word nie blaas nou op soos krakkers.
kry kragopwekkers reg

GM

Eskom sny sekere plekke se krag as gevolg van wanbetaling (of altans GEEN betaling), nou ‘sny’ dié wat als verniet eis, seker ander buurte s’n op ‘n permanente basis.

barend

vroue het die ambag oorgeneem en daar word glad nie meer statutere inspeksies op die toerusting gedoen ,die olie moet ook gereeld geruil word en moet getoets word vir sure ,anders begin die olie afbreek