Haglike toestande by KZN-ouetehuis by MRK aangemeld

Elonwabeni-ouetehuis in KwaZulu-Natal (Foto via ANA)

Die Demokratiese Alliansie het Woensdag gesê toestande by die Elonwabeni-ouetehuis in KwaZulu-Natal is só haglik dat hy die saak by die Menseregtekommissie (MRK) aangemeld het.

“Inwoners, van wie een 100 jaar oud is, moet in koue water bad wanneer die tehuis nie elektrisiteit koop nie,” het Sharon Hoosen, woordvoerder van die DA, gesê nadat lede van die party die ouetehuis Dinsdag besoek het.

“Die 67 bejaarde inwoners maak tans staat op plaaslike boere en ondernemings vir kosskenkings. Hulle laaste ete wat die ouetehuis verskaf het, was ontbyt verlede Vrydagoggend. Hulle moes sedertdien staatmaak op die goedhartigheid van ander persone.”

Hoosen het gesê geen instandhouding vind plaas by die ouetehuis nie. “Nie een van die toilette het sitplekke nie, en verskeie van die toilette kan nie spoel nie.”

Boonop het die 41 personeellede ook nie hierdie maand ʼn salaris ontvang nie. Die party het die MRK skriftelik in kennis gestel van dit wat hy by Elonwabeni gesien het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

34 Kommentare

jongste oudste gewildste
Elle

En wie het hul Sassa-betalings /toelae in ontvangs geneem?

Adam

Jammerlike situasie. Geen land wat sy ou mense en kinders verwaarloos kan daarop aanspraak maaak dat dit ‘n beskaafde land is nie. Sies!!!!!

Mielie

En die korrupte regerende party leiers lewe in luukse omstandighede. Wat n skande…..Die ANC …..ons mense……Ek hoop CR sien hoe hulle na sy mense omsien..Maar ek weet vir n feit niks sal hiervan kom

Alida

Hemelse Vader waarheen is ons land oppad?

Petro

Hoekom help die lotto nie maar sport is deesdae meer belangerik dit is n skande