‘Hef drank- en tabakverbod nou op’

Argieffoto: Pixabay

Daar word opnuut geëis dat die verbod op die verkoop van alkohol en sigarette opgehef word.

Die drankbedryf het gesê die verbod het ʼn vernietigende uitwerking op mense se bestaan.

Volgens Sibani Mngadi, woordvoerder van die drankbedryf, het meer as 100 000 van die bykans een miljoen poste wat deur die waardeketting van die alkoholbedryf ondersteun word, in die eerste fase van die verbod op afsonderingsvlakke 5 en 4 verlore gegaan.

Die drankbedryf se reaksie volg op die Suid-Afrikaanse Mediese Navorsingsraad (SAMNR) se beroep op die regering om gereed te maak om die alkoholverbod op te hef.

Dr. Glenda Gray, voorsitter van die SAMNR, en prof. Charles Parry, direkteur van die raad se navorsingseenheid oor alkohol, tabak en ander dwelmmiddels, het Vrydag in ʼn onderhoud met Business Day TV gesê dat die verwagte druk op hospitale weens ʼn toename in Covid-19-infeksies nie plaasgevind het nie.

“My aanbeveling aan die regering is om beweeglik te wees. Ons het die nodige mikpunte bereik deur die aandklokreël en die alkoholverbod. Ons het bereik wat ons wou. Nou moet ons ander kwessies aanpak. Ons het op lewens gefokus en nou moet ons kyk na mense se lewensbestaan,” het Gray, wat ook ʼn lid van Zweli Mkhize, minister van gesondheid, se ministeriële adviesraad is, gesê.

Omset van meer as R19 miljard en R3,4 miljard in aksynsbelasting aan die regering is reeds tydens die eerste fase van die drankverbod ingeboet.

“As die regering konsekwent is in sy benadering tot die verbod moet hy dringend gesprekke begin vir die ordelike heropening van die drankbedryf om verdere werkverliese en ʼn verlies aan inkomste te voorkom,” het Mngadi gesê.

sigarette

(Foto: pixabay)

Yusuf Abramjee, stigter van Tax Justice SA (TJSA), het pres. Cyril Ramaphosa intussen ook skriftelik versoek om die tabakverbod wat al langer as 18 weke geld, op te hef.

“Die jongste navorsing deur toonaangewende ekonome aan die Universiteit van Kaapstad toon dat die verbod die gesondheidsrisiko wat dit moes uitroei, eerder aansienlik vererger het. Vyf keer soveel rokers deel nou gereeld sigarette as voor die afsonderingstydperk, wat die gevaar van verspreiding van die virus aansienlik vergroot.”

Die toename in mense wat sigarette deel, word toegeskryf aan die huidige hoë koste vir die koop van onwettige sigarette. “Misdadigers in onwettige handel het die mark oorgeneem en volgens kundiges verdien hulle R3 miljard per maand deur onwettige sigarette teen baie hoë pryse te verkoop.”

Abramjee het benadruk dat daar geen wetenskaplike bewyse is wat ʼn verband tussen rook en Covid-19 aantoon nie en dat Suid-Afrika steeds die enigste land in die wêreld is wat ʼn tabakverbod ingestel het.

“Die verbod bedreig mense se lewensbestaan, beloon onwettige ondernemings en erodeer belastingbetalers se moraliteit.”

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
marius

Waarom sal die regeerders van hul totale beheer plan afwyk ? Hulle weet presies waarmee hulle besig is .

Mariana

en so kla almal teen ‘n muur

Duwweltjie

En het die mense enige hoop dat enigiemand sal luister na hulle pleidooie!

Ek twyfel, hulle het die mag en beplan om dit styf vas te hou.

Santie

Kan Cyril ons rokers maar nie n pouse gee nie.

Willem

En so koop jy ń pakkie sigarette net waar jy wi