Die Kaapstad Internasionale Lughawe se hoofaanloopbaan kon Vrydagoggend weer oopgestel word nadat dit Donderdagmiddag om veiligheidsredes gesluit is.
Die hoofaanloopbaan is Donderdag ná 14:00 gesluit nadat ’n vliegtuig ’n tegniese probleem op die aanloopbaan ontwikkel het. Die lughawe kon steeds die sekondêre aanloopbaan gebruik, maar vlugte is nietemin vertraag of moes herlei word.
Die betrokke vliegtuig is later van die hoofaanloopbaan verwyder voordat ’n inspeksie van dié aanloopbaan gedoen is.
Talle vlugte was ook verlede naweek by die Kaapstad Internasionale Lughawe vertraag nadat die lughawe drie kortsluitings beleef het, het Maroela Media toe berig.
Die kortsluitings het die stelsels by die vertrektoonbank geraak, wat beteken het dat daar geen verbinding met lugdienste was nie.
Die lughawe het passasiers Donderdag opnuut om verskoning gevra vir die ongerief.
UPDATE:
We are pleased to announce that the main runway has been reopened!
ACSA is governed by very stringent international safety and environmental standards therefore the cleanup operation was very critical to ACSA as passenger safety is our main priority. pic.twitter.com/oVERw3kjub— Cape Town Airport (@capetownint) October 13, 2023