Boodskappe van gelukwensing stroom in vir die gewilde akteur Hykie Berg en sy vrou, Gerridene, ná die geboorte van hul babadogter.
“Ons harte is vol en ons jubel saam met die Vader oor haar menswees,” het Berg op Instagram geskryf kort voor die gesin huis toe vertrek het.
“Ek is oorval met dankbaarheid.
“God se gesig skyn oor ons.”
Baba Leméh is Dinsdag gebore en tientalle boodskappe met seën- en gelukwense is aan die gesin gestuur nadat Berg die foto van die driemanskap op sosiale media gedeel het.
Hykie en Gerridene, met wie hy in 2020 getroud is, het in Junie vanjaar die groot nuus oor Leméh se koms gedeel. Hy het ʼn paar dae gelede in ʼn video op Instagram vertel dat een van die lesse wat hy beoog om sy dogter te leer, is om nooit, ooit tou op te gooi nie.
Ken hulle nie ….
Baie geluk Hykie en Gerridene !