Die Johnson&Johnson-entstof wat in Suid-Afrika gebruik word. (Foto: Phill Magakoe/ AFP)
Die Suid-Afrikaanse Reguleringsowerheid vir Gesondheidsprodukte (Sahpra) het die farmaseutiese maatskappygroep Janssen se Johnson & Johnson-entstof geregistreer.
Die Johnson & Johnson-entstof is dus nou vir kommersiële gebruik in Suid-Afrika goedgekeur. Dít nadat die entstof vantevore slegs vir navorsingsdoeleindes goedgekeur is.
Die enkeldosis-entstof mag dus nou aan alle mense bo 18 jaar oud toegedien word vir die voorkoming van Covid-19.
Janssen beoog om sowat 30 miljoen dosisse van sy entstof, waarvan 2,8 miljoen dosisse gedurende die tweede kwartaal, aan Suid-Afrika te verskaf.
Dr. Boitumelo Semete-Makokotlela, uitvoerende hoof van Sahpra, het die registrasie van die entstof as ʼn belangrike stap in die stryd teen die Covid-19-pandemie bestempel.
Semete-Makokotlela het egter gesê die magtiging is onderhewig aan ʼn aantal voorwaardes wat insluit dat die entstof voorsien en toegedien word volgens die departement van gesondheid se entstofplan.
Watter entstof het gie desondheidswerkers dan ontvang.as daar al oor 200.000 gejova is.
Dieselfde: J&J s’n.
Watter entstof word hier vervaardig,Pfeizer of Johnson en Johnson.?Watter een van die twee is die doeltreffenste?
Casper, albei is doeltreffend om jou vorentoe dalk met ander siektes te laat.
Mariana, laat ek net seker maak ek verstaan jou reg: Jy beweer dat die gebruik van die entstof jou ander siektes kan laat opdoen? Met watter WERKLIK wetenskaplike, nie- kwaksalwer bewyse sê jy dit?
Jy doen ongelooflik skade deur die soort twak te verkoop. Maar ek en jy sal lank hieroor argumenteer. Tyd is egter die finale eksaminator. Kom ons gesels weer oor n jaar.
Marianna & Leon, sonder om in die argument betrokke te raak, glo ek ook die tyd sal wys watter langertermyn effekte die entstowwe sal hê. Omdat daar waarskynlik nie ‘n “undo” knoppie is nie, kyk ek maar vir eers die kat uit die boom. Soos Leon sê: die tyd sal leer.
Ek is ook nogal bekommerd oor die langtermyn effekte van die entstowwe. Normaalweg neem dit ongeveer 10 jaar om entstowwe te ontwikkel en hierdie entstowwe is haastig in ‘n paar maande se tyd deur gehaas. Is daar kortpad gekies agv van druk en watter ‘trials’ is uitgelaat? Ek wonder maar net …
Casper, sover ek weet, nog nie 1 van die 2 nie. Ek dink egter daar is planne om J & J se entstof hier te vervaardig, maar ek praat onder korreksie. Dis moeilik om te sê watter 1 is die “beste” – wat my aanbetref is daar net te veel veranderlikes betrokke & kan die 1 vir 1 persoon werk & die ander weer vir ‘n ander. Dis soos om te vra: watter is die beste – Panado of Disprin? Sover ek egter weet, is daar tans 6 entstowwe wêreldwyd goedgekeur & sou ek graag eerder wou kies watter entstof ek wil hê, eerder om geforseer te word om ‘n spesifieke 1 te vat. Daarom hou ek eerder verby.