Jong fietsryer sterf ná taxi hom glo tref

(Foto verskaf deur Emer-G-Med)

Die polisie in KwaZulu-Natal ondersoek ’n saak van strafbare manslag nadat ’n jong fietsryer vandeesweek deur ’n minibustaxi op die N2-Suid naby Durban raakgery is.

Die 26-jarige fietsryer is op die toneel dood verklaar.

Kapt. Nqobile Gwala, polisiewoordvoerder, sê die voorval het Dinsdag omstreeks 16:55 plaasgevind.

Volgens Kyle van Reenen, woordvoerder van Emer-G-Med, het die minibustaxi die fietsryer glo in die noodbaan naby die EB Cloete-afrit getref.

Die bestuurder van die taxi is blykbaar nie in hegtenis geneem in verband met die voorval nie.

Gwala sê die polisie in Sydenham ondersoek nog die saak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

15 Kommentare

jongste oudste gewildste
JM

Hoeveel nog?!!

Ovelia

Ja alweer n taci. Dis beslis moord nie manslag nie. Hoe kan die bestuurder ni inhegtenis geneem word nie? Is dit alweer apartheid of ras….

Kokerboom

Dis net ongelooflik waarmee taxis wegkom !!!

Jywilwat

Nog nie in hegtenis geneem nie?? Hy het ‘n mens doodgemaak. Wanneer gaan hulle ooit iets aan hierdie wetteloses op die paaie doen?

Persheks Adri

Dis moord! Hoekom is die taxibestuurder nie in hegtenis geneem nie? Flippen hel man