Juan en Joane Little. Foto: Palm Photography/Facebook
ʼn 26-jarige man wat vroeër vandeesmaand getroud is, is in ʼn mynongeluk in die Vrystaat dood.
Juan Little is volgens Harmony Gold Woensdagaand laat dood in ʼn voorval in die Nyala-skag van die Phakisa-myn buite Odendaalsrus. Die presiese omstandighede rondom die voorval is nie bekend gemaak nie en volgens Harmony Gold word ʼn ondersoek gedoen.
“Ons is ongelooflik hartseer oor die voorval. Harmony se bestuur wil sy medelye met die oorledene se familie, vriende en kollegas betuig,” het Peter Steenkamp, uitvoerende hoof van Harmony, gesê.
Little, wat aan die begin van die maand met sy vrou, Joane, getroud is, het as myningenieur by Brentley, Lucas & Associates, ʼn mynkonsultantemaatskappy, gewerk.
Die maatskappy het ook sy hartseer oor die voorval uitgespreek. “Aan sy vrou, Joane, sy ouers en suster sowel as hul gesinne; mag julle vertroosting vind in dié moeilike tyd. Juan sal deur ons almal gemis word.”
Francois Slabbert, die fotograaf van Palm Photography wat die egpaar se troufoto’s geneem het, het op Facebook sy skok oor die voorval uitgespreek.
“Minder as vier weke terug het ek die troue afgeneem en vanoggend [Donderdagoggend] terwyl ek nog besig was om die foto’s te redigeer het ek die nuus ontvang dat hy oorlede is.
“Juan jy was ʼn legende en dit was ʼn voorreg om jou en jou vrou af te neem en jou vir die kort rukkie te ken,” het Slabbert geskryf.
Joane, ek is onbedaaarlik hartseer – dit is so so hartseer. Jou man jou lewe weggevat in ‘n knip van ‘n oog. Daar is niks wat mens kan se op die oomblik nie niks nie. God help asseblief almal rondom Joane, Juan se familie net almal my God.
Hartseer ! Baie Sterkte
So tragies! Skaars ñ maand getroud…..???? Here gaan asb saam almal wat hom geken en lief gehad het! Aan sy pragtige vrou – mag Jesus jou styf vashou en hierdeur dra. Bid vir julle!
Ai,my hart is nou so seer vir jou Joane.Baie sterkte in hierdie hartseer tyd.
My absolute simpatie…. dit is traaaagies, somtyds het die lewe meer vrae as antwoorde, sterkte en mag onse Heer julle almal onderhou met Sy liefdie en ondersteuning
Sterkte aan elkeen hierdeur geraak. Rus in vrede.
Mag die Vader jul in Sy hand van vertroosting hou
Ai wat ‘n tragedie.
Here, omvou asseblief hierdie pragtige jong man se bruid, familie en vriende met U liefde, vertroosting en teenwoordigheid.
My innige simpatie aan sy geliefdes.
Agneee dit is so hartseer.
Ai dit is so onbeskryflik tragies.
Sterkte aan Joane en familie ook aan Juan se familie.
Mag die Here julle dra en vertroos in hierdie tyd van beproewing……????
Sy dood is geen ongeluk
Hy was ondergrond per ongeluk doodgeskok met hoe spanning elektrisiteit
Verduidelik? Dink jy daar was vuilspel betrokke ?
Ek lees paartjie wat onlangs getroud is dood in mynongeluk. Is die dametjie ook oorlele? Baie sterkte aan al die familie en vriende. Ma God hulle vertroos.
Ek verstaan nie hoekom moet sulke goed gebeur nie?? Wat kan tog die doel wees hiervan? Net hartseer!