Jy mag reis, maar jou drankies bly tuis

Die vervoer van drank word oor die Paasnaweek verbied. (Foto: pixabay)

Suid-Afrikaners mag dié Paasnaweek ingevolge die afsonderingsregulasies vrylik tussen provinsies reis, maar mag van Vrydag af nie meer drank rondry nie.

Die vervoer van alkohol word van middernag vanaand verbied, het Nkosazana Dlamini-Zuma, minister van samewerkende regering en tradisionele sake, Donderdag gesê. Die verbod geld tot Maandag om middernag.

“Vandag, ja. Dit word toegelaat, maar nie oor die naweek nie. Die polisie gaan padblokkades hou,” sê Dlamini-Zuma.

“Mense gaan nie toegelaat word om drank van een plek na ʼn ander te neem nie.”

Die minister sê mense kan alkohol gebruik waar hulle is, en hulle mag ook in kuierplekke soos kroeë drank gebruik, maar ingevolge streng veiligheidsmaatreëls.

Pres. Cyril Ramaphosa het vroeër vandeesweek aangekondig dat plekke soos restaurante, kroeë en tavernes oor die langnaweek steeds drank mag verkoop, maar drankverkope vir tuisgebruik word van Vrydag tot Maandag opgeskort.

Dlamini-Zuma het Donderdag opnuut bevestig dat 250 mense ʼn binnenshuise kerkdiens mag bywoon. Vir buitelug byeenkomste word dié getal tot 500 beperk.

Die minister het ook ʼn beroep op mense gedoen om veilig te reis, indien hulle dit wel doen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Willem

Ek gewonder wanneer kom hul weer met volgende nonsens

Willem

Ek dink regering moet daai selferkende pastoor in Limpopo gaan besoek. Sy windjies behoort hul mooi te laat dink

Natasha

Verduidelik gou hoekom kan mense in kroeë ens. gaan sit en drink en dan onder die invloed bestuur (ja dis onwettig en meerderheid doen dit- besides the point), maar jy mag nie nigter bestuur om drank op ‘n veilige plek in jou privaatheid te benut nie? Logika is weer MIA! Maar sy moet vasklou aan ‘n mag wat sy nie besit nie deur net enige iets te verbied sodat sy belangrik kan voel. Daar is nie pille vir onnoselheid nie!

Gerhard

Goed, dit is nou besig om n sirkus te raak. Van middernag vannag geen drank vervoer nie, nee jissie, drank is nou nie die alfa en omega nie, maar regtig, padblokkades hou en mense se drank afvat wat hulle gekoop het voor die nuwe naweekverbod ingestel is, om na hulle vakansiehuise te neem of as hulle gaan kamp. Ek gaan self die naweek kamp met my karavaan, my drank is klaar gelaai en hoewel ek nog voor 12 by my bestemming gaan wees, met ons terugkom Maandag gaan ek mos weer die drank wat oorbly saam terugbring. Hoe maak mens… Lees meer »

koos10

Verander sy weer die reëls! CR het niks daarvan gesê nie. Kan niemand haar stop nie?