Die Stad Kaapstad het ʼn ondersoek van stapel gestuur ná ʼn MyCiti-bus Dinsdagmiddag skynbaar vanself by ʼn bushalte in Woodstock, Kaapstad, aan die brand geslaan het.
Volgens die stad is dít ʼn uitsonderlike voorval en moet die oorsaak van die brand nog vasgestel word.
Volgens Rob Quintas, burgemeesterskomiteelid vir stedelike vervoer, is die brand- en reddingsdienste omstreeks 15:15 inderhaas na die toneel ontbied.
“Die brand het uitgebreek net nadat die passasiers en busbestuurder van die bus afgeklim het. Geen beserings is aangemeld nie,” sê Quintas.
Aanvanklike berigte dui daarop dat die bus uitgebrand het en daar is ook skade aan die bushalte. Die stad is tans besig met opruimingswerk.
Volgens Quintas word die MyCiti-busse gereeld versien, geïnspekteer en onderhou ingevolge die stad se kontrak met die busoperateur. “Die busse ondergaan elke ses maande ʼn padwaardigheidstoets by ʼn betroubare toetsstasie.”
Die MyCiti-busse wat langs die T01-roete ry, sal tydelik tot verdere kennisgewing opgeskort word.
Nuwe bus wat brand ? Is hy in china aanmekaar gesit ?
Nee Marius nie in China nie maar in Suid Afrika! Spaar geld “Buy Local, local is lekker”!
Word plaaslik gemonteer, kom uit Brittanje.
Lees die berig. Dit was nie die bus wat gebrand het nie.
Seker ‘n Ford bus.
Nee, hoegenaamd nie!!
Poof!!!! Sommer net so, slaan hy aan die brand.
Dis genade dat daar geen persoon op daardie oomblik in die bus was nie
Kyk wat staan in die berig tussen aanhalings tekens. maw. Daar is die oorsaak en antwoord. “Betroubare???”
Nog 1 van daai tenders.
Soustrein bus ?
Wag maar vir die ondersoek kan net so wel brandstigting wees
Dit kan ook net so wel nie brandstigting wees nie.
Klink nie vars nie. Daar moes tog vooraf ‘n reuk gewees het wat as ‘n waarskuwing kon dien. Gewoonlik ruik dit soos drade wat brand of ‘n brandstof reuk afgee voor ‘n voertuig aan die brand slaan. Dit sê duidelik “net nadat die passasiers en bestuurder afgeklim het”, dus maak ‘n bus wat sommer net aan die bbrand slaan en uitbrand nie regtig sin nie.