Kaapstad se ramprisikobestuursentrum sê hy kon tot dusver geen berigte van ʼn oënskynlike aardskudding laat Woensdagmiddag in die Milnerton-omgewing bevestig nie.
Daar was Woensdag verskeie plasings op sosialemediaplatform oor die skudding en wat dit moontlik kon wees.
Charlotte Powell, woordvoerder van die Kaapstad-metro se rampbestuursentrum, sê egter die Raad vir Geowetenskap se stelsel het geen seismiese gebeurtenis in die omgewing waargeneem nie.
Cape Town – Earthquake / Tremor event – around 17:38 ? pic.twitter.com/hEmfgI1cxZ
— TrafficSA (@TrafficSA) March 27, 2024
Die sentrum het selfs navraag by een van die steengroewe in die omgewing gedoen oor ʼn moontlike ontploffing. “Hulle het bevestig dat hul ontploffing etlike weke gelede plaasgevind het en geen van die ander steengroewe in die gebied het enige skietwerk gedoen nie,” sê Powell.
Die stad se nooddienste het ook geen oproepe ontvang wat met ʼn aardskudding verband hou nie en geen beserings wat uit só ʼn voorval sou spruit, is aangemeld nie, sê Powell.
“Sou enige lid van die publiek inligting het oor wat gebeur het, vra ons dat hulle asseblief die stad se rampbestuursentrum bel by 080 911 4357.”
⚠️EARTH TREMOR⚠️ 27|03|2024. Credit to the Volcanoes And Earthquakes App.
Unconfirmed earthquake or seismic-like event: South Africa, 14 km south of Cape Town, Western Cape, Wednesday, Mar 27, 2024, at 17:39.
— Stephne (@StephnCoetser) March 27, 2024
Toerusting werk seker nie.