Karlien en Joe haak stilletjies af

Die foto wat Karlien van Jaarsveld op sosiale media gedeel het. Foto: Via Instagram

Karlien van Jaarsveld en die voormalige rugbyspeler Joe Breytenbach het stilletjies die knoop deurgehaak.

Sy het Sondagmiddag ʼn foto op sosiale media gedeel waarin dit duidelik is dat die trouklokkies gelui het.

“Vandag kan ek met oorgawe en soveel dankbaarheid vir jou sê – moet nooit opgee op die liefde nie. Xxx,” lui die inskrywings op sosiale media.

Ronel Brink, Karlien se ma, bestuurder en woordvoerder, het Sondag aan Maroela Media bevestig Karlien en Joe is getroud.

“Ek kan ongelukkig nie meer besonderhede bekend maak nie. Ons kan niks meer sê nie. Wat sy op sosiale media geplaas het, is wat sy met haar aanhangers wil deel. Hulle wil die res so privaat as moontlik hou,” het Brink gesê.

Karlien en Joe het in September verlede jaar die nuus van hul verlowing op haar Instagram-profiel bekendgemaak.

“Ek wil graag die nuus met julle deel  voor die media dit doen. Ek en Joe [Breytenbach] is verloof,” het sy toe geskryf.

“Almal vra, wie is Joe? So, Joe is net ʼn gewone ou, met ʼn gewone werk wat lief is vir gholf op ʼn random afdag en ʼn bier om te ontspan. Hy like sigare rook (hy rook so bietjie te veel van dit), sy gunsteling- Afrikaanse kunstenaar is Koos Kombuis en hy maak gereeld kos vir ons in die huis.

“Ek het Joe in Potch ontmoet 11 jaar terug. Ons het gesoen, ‘but then he went to France’ en Joe was nooit weer te sien of te hore van… And then ‘there he was’, popped out of the blue sonder ʼn wit perd, in ʼn swart hemp en ʼn swart stywe jean met een baie groot smile, en ʼn baie sweet ‘hello’ net so sweet soos 11 jaar terug. En soos hulle sê ‘you had me at hello’. The rest is history. Regte tyd. Regte plek.

“So ja dis ons lang storie in baie kort. Ek is baie happy en baie happy om dit met julle te kan deel.” [sic]

Klik hier vir alle vorige berigte oor Karlien van Jaarsveld op Maroela Media

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

99 Kommentare

jongste oudste gewildste
Jaco

Mag julle twee, en die kinders, baie gelukkig wees!

??

Eks nou dom! Het sy dan Joey boy geken voor sy Derick ontmoet het? Indien wel, verstaan ek nou alles.

Johann cb

Is sosiale media deesdae die regte of die vinnigste plek vir sulke aankondigings? Vra net, is nie self daarop nie!

Bielie

Eerste rugbyspeler nog nie eers mooi uit die prentjie en die volgende een gehak. Sensasie beheptheid is ‘n nare ding. Volgende week weer eksklusief op Huisgenoot en Rapport se voorblaaie.

Liesbet

Karlien baie geluk. Hoop julle sal baie gelukkig wees. Kan nie glo daar is soveel ou bitterbekke daar buite nie. Jy het jou egskeiding soos n dame hanteer en nie media toe gehardloop en jou eks swartgesmeer om simpatie te soek nie.