Klag teen man wat vrou in winkel onderstebo stamp

‘n Skermskoot van die video.

’n Saak van aanranding is Vrydag teen ’n man aanhangig gemaak nadat hy na bewering ’n vrou in ’n kruidenierswinkel in Schweizer-Reneke in Noordwes onderstebo gestamp het.

Die voorval is op kringtelevisiekamera vasgevang en word sedertdien op sosiale media versprei.

In die video kan gesien word hoe die man doodluiters na die vrou stap waar sy saam met ’n ander vrou en ’n jong kind na kruideniersware op een van die winkelrakke kyk. Die man stamp dan die vrou tot op die vloer.

Dit kom in die video voor of hy haar met opset gestamp het.

‘n Skermskoot van die video.

Lt.kol. Amanda Funani, woordvoerder van die polisie, het Saterdag aan Maroela Media gesê die voorval het omstreeks 09:30 in ’n kruidenierswinkel in die dorp plaasgevind waarna die vrou ’n klag van aanranding ingedien het.

Funani verduidelik dat die man ’n psigiatriese pasiënt onder behandeling is. Hy is ná die voorval in die sorg van sy ouers geplaas en sal na verwagting Maandag in ’n hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

95 Kommentare

jongste oudste gewildste
Iemand

Psigiatriese pasient…kyk mens wil nie teen mense diskrimineer nie en ek het baie simpatie met baie psigiatriese pasiente en ook hul familie. Maar jis, ek is bly dat ek nie n familielid het wat ‘n versteuring het wat hom/haar onvoorspelbaar of aggresief maak nie. Dit moet baie erg wees.

Jannie van Niekerk

Regtig Kolonel Funani? Psigiatriese pasiënt? En jy dink regtig ons moet dit glo?

Lidia

Maroela Media, hoekom gebruik julle die woorde ‘na bewering’? Dit is mos duidelik uit die beeldmateriaal dat hy dit wel gedoen het.

Ekke

Soos dit blyk, is dit deesdae die “nuwe” verskoning wat opgedis word vir onvanpaste gedrag. Was die rolle omgekeer, was die hel witwarm gestook.
Gereg en geregtigheid sal nooit eindig solank die “nuwe” Suid Afrika voort gaan onder leiding van die cANCer regering nie.
Afstigting of te wel Sesering is al uitweg waar minderhede die meerderheid is en hulself kan regeer..

Renee

Tipies nou is hy kammig siek. Regtig