Die gedragskode gaan egter selfs verder en sluit nou ook passief-aggressiewe teistering in. (Foto: pixabay)
Los maar die sarkasme, skinderpraatjies en oë wat rol tuis wanneer jy weer by die werk aanmeld – ingevolge ʼn nuwe gedragskode wat daarop gemik is om alle vorme van teistering in die werkplek uit te wis, kan dié gedrag jou in vet moeilikheid laat beland.
Die departement van arbeid en indiensneming het pas sy gedragskode van goeie bestuur in die Staatskoerant afgekondig. Die term “teistering” word nie in die Wet op Billike Indiensneming omskryf nie, maar word algemeen verstaan as dat dit byvoorbeeld ongevraagde gedrag is wat iemand se waardigheid aantas, of ʼn vyandige of intimiderende werksomgewing skep.
Teistering kan insluit geweld, fisieke, seksuele, emosionele of sielkundige mishandeling, asook geslagsgebaseerde misbruik of misbruik wat rasgedrewe is.
In die gedragskode word die spesifieke stappe uitgestippel wat ʼn werkgewer moet doen om teistering uit te wis. ʼn Werkgewer se versuim om stappe te doen wanneer ʼn bewering van teistering aanhangig gemaak word, sal die werkgewer ingevolge wetgewing aanspreeklik maak vir die gedrag van die werker – selfs al het die teistering net uit ʼn enkele voorval bestaan.
Heelwat gedrag kan as teistering gesien word. Dit sluit in die belediging van ʼn werker of die kwaadwillige verspreiding van gerugte, gedrag wat ʼn werker verneder, beledig of verkleineer, die weerhouding van werkverwante inligting of die gee van verkeerde inligting, die saboteer van iemand se werkprestasie, die uitsluiting van ʼn werkers van werkverwante bedrywighede, of druk op iemand om te bedank.
Die gedragskode gaan egter selfs verder en sluit nou ook passief-aggressiewe teistering in.
Dit sluit in negatiewe skinderpraatjies of grappies wat ten koste van iemand gemaak word, sarkasme, neerhalende oogkontak, gesigsuitdrukking of gebare, ʼn na-apery wat bedoel is om die spot met iemand te dryf.
Dieselfde geld vir doelbewuste pogings om iemand in die verleentheid te stel, sosiale uitsluiting, professionele isolasie of die doelbewuste sabotering van iemand se waardigheid, welstand, geluk, sukses en loopbaanprestasie.
Werkgewers se beleid oor teistering moet die spesifieke sanksies vir ʼn oortreder duidelik stel. Dit sluit in waarskuwings vir minder ernstige voorvalle, afdanking vir teistering wat selfs ná waarskuwings voortgesit word of vir ernstige oortredings en verplasing.
ʼn Werker wat kla oor teistering het ook die reg om ʼn strafregtelike aanklag aanhangig te maak of siviele stappe teen die beweerde oortreder in te stel.
Net nog wetgewing om afdankings makliker te maak! Wonder wie eerste gaan wees? our people – glo nie!
En hoe gaan ‘n mens dit alles bewys??? Dit is al reeds moeilik om boeliery en voortrekkereigheid en seksuele teistering te bewys, hierdie is nog meer subtiel. as die baas jou nie nooi nie – maar ‘n paar ander ook nie nooi nie, is julle almal eintlik sosiaal uitgesluit.
Mense sal heeldag met kameras op hulle voorkoppe moet rondloop om hulleself te beveilig.
Die “slagoffer” het sóveel moontlikhede om uit te kies. Tensy jy soos ‘n robot lyk en optree, kan jy van teistering aangekla word.
Dit is nou wragtig kinderagtig gelukkig is ek al jare lank afgetree.Ek het op my dag in groot konstruksie spanne gewerk wat aldag tussen wit en swart mekaar byname gegee het en met mekaar gespot maar tog as n eenheid uitsonderlike werk kon verrig.
Dit gaan eensydig toegepas word teen blankes. Wat van spraakvryheid?
Beuselagtig, en wie gaan dit toe pas, ek rol sommer my oe”
En as dit van self gebeur? Ek het geen beheer oor my oge wat rol nie!
Lol
Belaglik!! Absoluut verregaande!
Dis nou die toppunt van belaglikheid. Net `n lyk het geen gesigsuitdrukkings nie. Party mense is hiper sensitief en “lees” iets in alles. Waar gaan alles eindig?
Turning humans with emotions into state owned puppets by another communist law. All about control
Alles net om die burgers te beheer. Nog n mags vergryp van die regering. Een vd dae word jou toietsake ook beheer.
Daar waar ek gewerk het moes jy ‘n register invul met die tyd wat jy toilet toe gaan en die tyd wat jy uit die toilet gekom het en natuurlik het jy nr 1 of nr 2 gedoen daar binne! En ALMAL moes die register ingevul het so almal het geweet wat jy in die toilet gaan maak het! En daar was iemand om die register na te gaan. Met dit als sou jy nog gevra geword het of jy jou hande ordentlik gewas het voor die ander werkers! Dit was nogal vernederend gewees om die minste te sê!
Dan sou ek nooit die plek gebruik het nie!! Hoe siek is dit!!
Daardie maatskappy het n baie spesiale lae iK.
Sal ek darem nog mag asemhaal by die werk? Vra maar net . . . . .
Dit help nie dit kom net van Een kant nie…om n verskil te maak nie..
Its about Respect for each other….-All lives Matter.Ne
Dis nou wat gebeur as “woke sneeuvlokkies” hulle sin kry – Kanselleer Kultuur word wet. Die arme, hipersensitiewe, dunvellige bloedjies wat nooit enige sosiale vaardighede aangeleer het nie word mos deur alles wat hulle nie van hou nie ge-trigger en dan moet almal dit weet. Die tipe wette klink of dit eerder by Noord-Korea pas. En nou is ek sommer ook ge-trigger…!!!
Mag ek diep in-asem haal en dan weer net so hard diep uit-asem haal ook… ek sou graag die oe rol verkies maar ek sal dit maar los hierdie keer en net my arms en hande in die lug in gooi en my lyf met n ommekeer marsjeer draai en wegloop… ek vra vir myself…
Ek is bly ek mag van die huis af werk. Nie dat ek lelik is met enigiemand by die werk nie, maar ek wil nie sulke drama he nie.
En wat nou as die baas self die sondaar is van skinder en afkraak ens?
En wat nou as die baas self die een is wat skinder en afkraak en boelie?
gewoonlik waar dit begin
Nie asof die Suid Afrikaanse ekonomie uit sy nate bars van die welvaart wat geskep word deur al die entrepreneurs met sagte gevoelens en uitstekende werk’s etiquette. Maar nou ja ons leef in die tyd wat die “different” (oe rol) op-gehemel word, vat maar die “chromozone identy crises” wat in Amerika heers en die impak wat dit nou op vroue sport daar het.
Wil eers sien hoe die hul die wetgewing gaan implimenteer. Weereens net om die wat jou teister deur hul kulturele gedrag en optrede om te kyk hoever hul jou kan opvryf en uitlok tot woede te bevoordeel.
Nanny state…alles moet deur die ANC nannies beheer word.
En daar sit alle “Stand-up comedians” sonder werk. Daar is niks wat ek hieroor kan sê wat nie een of ander ruggraatlose beginselgestremde bleeksiel met ‘n pienk hemp gaan seer maak nie, so ek swyg maar liewers….. En ja, ek dink die kommentaar is humoristies….
Hierdie wetgewing of kode is net nog ‘n manier om totale beheer van die volk te kry. Net jammer hulle kan nie jou gedagtes lees nie. Our people sal altyd die slagoffers wees. Siestog.
En wat van my menslike regte om my te dwing om my persoonlikheid te verander en emosieloos voor te kom! Wat van my menswees en persoonlikheid en wat dan nou van opleiding om mense te leer wat lyf taal is, nie almal vesrtaan dit nie. Die kleinste ding maak hulle vir dae lank kwaad…
Belaglik!
How can we ever gain understanding, advance diversity, or develop and express our thoughts in society, if Truth becomes offensive and the actual words needed for the debate, forbidden??
South Africans are forced into an orchestrated and populist eccho chamber; the noise is deafening and the outcome progressively catastrophic!
Lagwekkend!
oops …. ek het al baie gehoor my gesig se alles ,,,,, maar as ek geen uitdrukking het nie en lyk of ek nie verstaan nie is die moeilikste ,,,, dankie tog ek werk nie vir ander nie …. maar ek weet darem nou al as sekere mense lyk of die kop leeg is dan is dit gewoonlik so ….
Net hier ról my oë. Gelukkig is ek afgetree. Jis, dis gekheid, hierdie en mense sal dit so misbruik.
Geld hierdie wet net vir werknemers of geld dit vir werkgewers ook wat hul personeel sleg behandel?