Koffiefontein-boer oorleef aanval met mes, brand

Andries Myburgh (Foto: Verskaf)

“Ek voel opstandig, bang en kwaad en dan word ek weer oorweldig deur dankbaarheid. Ek is dankbaar dat my man lewe en dat my kinders hul pa gespaar is. Ek is oorweldig deur God se genade.”

Só vertel Lize Myburgh (28) nadat haar man, Andries (31), Maandagmiddag op hul plaas digby Koffiefontein in die Vrystaat deur twee aanvallers oorval en met ʼn mes gesteek is. Brandstof is ook oor hom uitgegooi. Sy is nog erg getraumatiseerd ná die voorval, maar is dankbaar vir almal wat haar gesin in hierdie moeilike tyd bygestaan en gehelp het.

Myburgh het omstreeks 13:45 gaan sit om middagete te eet toe hy skielik rook geruik het. Hy is uit en het rook by een van sy store gesien.

“Ek het uit die huis gehardloop en toe ek net om die hoek van die een stoor kom, het een van die aanvallers my met ʼn voorwerp oor die kop probeer slaan,” sê Myburgh. “Ek het met my arm gekeer dat die voorwerp nie my kop tref nie. My arm het die meeste houe gevat.

“Een van die aanvallers het weer vir my gekom en ek het my teëgesit en hom onderstebo gestamp. Die ander aanvaller kom toe met ʼn mes en tref my teen die kop, arm en sy.”

Die jong boer het homself verbete verdedig.

“Net daarna het die een aanvaller ʼn tree teruggegee. Ek het ook teruggetree en op daardie oomblik my vuurwapen uitgeruk.”

Myburgh het skote op die aanvallers begin afvuur en hulle het weggehardloop.

“Ek het nie besef dat terwyl die een aanvaller besig was om my met die mes by te kom, die ander een petrol oor my uitgegooi het nie.

“Terwyl ek met die vuurwapen in my hand gestaan het, het ek besef my bene is aan die brand.”

Myburgh het na die swembad by sy huis gehardloop en ingespring om die vlamme te blus. Hy het daarna uitgeklim en die bure en polisie in kennis gestel van die voorval.

Nooddienste is na die plaas ontbied en paramedici het sy steek- en brandwonde behandel.

Twee groot skure het afgebrand.

“Ongeveer 300 bale asook mielie-, koring- en lusernplante is vernietig. Twee van my trekkers en baie van my toerusting het uitgebrand. Ek het groot skade gely,” sê Myburgh.

Myburgh se werkswinkel met al sy toerusting was in een van die skure wat afgebrand het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Kokerboom

So bly hy is wel.Stuur rekening vir skade aan en verlies van produksiemiddele aan Staatshoof en Minister van Polisie. Iemand moet aanspreeklikheid aanvaar.

Leonard

Een-een protesoptrede is iets, maar die terrorisme op boere is ‘n landwye en deurlopende saak.

Henk

As dit nie blatant terrorisme en ‘n weldeurdagte plaasaanval is nie wat is dan? Net gewone geweldsmisdaad?…!!!

Pieter

Laat ek niks se nie, want rassite en hatters is in S.A en genaamd anc en eff.

Wakkerslaper

Baie dankbaar dat jy gespaar is!

Hierdie terroriste kom asof hulle gestuur is om te martel, te vermink en te moor! Ons Boere is onder ‘n georganiseerde aanval! Tyd om ons saak bitter vinnig en bitter sterk te stel aan die buiteland en die VN. Daar moenie twyfel wees wanneer ons gewapende weerstand begin bied nie!