Komediant in hof oor spoed

Mduduzi Ntuli. Foto: Via Facebook

Die komediant wat Vrydagmiddag op die N4 buite Mbombela (Nelspruit) in hegtenis geneem is nadat hy die spoedgrens oorskry het, het Maandag in die stad se landdroshof verskyn. Sy naam mag nou bekendgemaak word.

Zandile Mandlazi, woordvoerder van die Mpumalanga- departement vir gemeenskapsveiligheid, het aan Maroela Media gesê die man, Mduduzi Ntuli, is op borgtog van R500 vrygelaat en hy moet weer op 7 Desember in die hof verskyn.

Ntuli is Vrydag teen 16:50 deur provinsiale verkeersbeamptes vasgetrek toe hy glo 170 km/h in ʼn 120 km/h-sone gery het. Volgens Mandlazi het Ntuli in sy Mercedes-Benz-voertuig op die snelweg gery.

Die komediant het glo aan die verkeersbeamptes gesê hy was inderhaas op pad na ʼn komedievertoning wat Vrydagaand in Nelspruit plaasgevind het. Hy was oor die naweek in aanhouding by die Nelspruit-polisiestasie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Steenkool

En toe daar laas “wit vermaaklikheid persone” naby Bronkhorstspruit gevang is hoeveel was sy borg???????

Attie Boshoff

Dis nie snaaks nie…

SjN

Onbekend, onbemind en onbevoeg om te bestuur, komiese komediant

Leahim

Dit blyk nou dat daar n stel reëls is vir wit en swart soos in die apartheidsjare ons moet nog net n naam kry daarvoor.

Shaun

WIE ?????