Kraaifontein-lyke: “Eerste saak in sy soort”

Argieffoto

Argieffoto

Die Wes-Kaapse polisie beskryf die voorval waar ses mans naby Kraaifontein moontlik met klippe doodgegooi is, as ʼn saak wat die eerste in sy soort is.

Die polisie het Donderdag ʼn beroep op die publiek gedoen om met enige inligting na vore te kom om hulle in hul ondersoek by te staan.

Kapt. Frederick van Wyk, provinsiale polisiewoordvoerder, het aan SAfm gesê die polisie kon nog nie enige van die liggame identifiseer nie.

“Ons is steeds besig met die ondersoek. Daar is nog nie nuwe verwikkelinge nie. Ons versoek die gemeenskap om betrokke te raak sodat die skuldiges vasgetrek kan word,” het Van Wyk gesê.

Hy het gesê die polisie het alle leidrade wat sover ingesamel is, opgevolg, maar nog nie ʼn deurbraak gemaak nie.

“Hierdie is die eerste saak in sy soort,” het hy bygevoeg.

ʼn Verbyganger het Woensdagmiddag op die liggame afgekom in ʼn veld in Joostenbergvlakte. Die oorledenes is tussen 18 en 30 jaar oud. Hulle het op hul mae gelê, en hul hande was agter hul rûe vasgevind. Die polisie vermoed dat hulle gestenig is, aangesien daar baie klippe op die toneel was.

Die polisie ondersoek ses sake van moord.

Enigiemand met inligting kan ao. Van der Heever te kontak op 082 718 5461 of 021 980 5558.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
Shame

Soek hulle self dis julle werk. Sulke goed gaan nou begin kop uitsteek, want JULLE IS TE SLEG OM JULLE WERK TE DOEN. Mense word borg gegee of op parool vrygelaat net om weer ‘n misdaad te pleeg. Kyk na die Du Preez geval.

lientjie P

Foute nie voute

Anlie

Ek raak so moeg vir mense wat komentaar lees, en nie kan wag om hulle vinger in iemand se gesig te druk oor ‘n spel fout nie. Gun elkeen sy plekkie in die son asb.

scalla

dis n geval van gereg in eie hande neem want die sapd kan dit nie meer doen nie, laat dit vir hul n les wees, n saak het drie kante, jou kant, my kant en die regte kant

2Roedolf1

Nogal intersant die ses se ouderdomme stem nogal saam met plaasaanvallers se ouderdomme .Dalk begin die Boerevolk nou maar self die gereg in eie hande neem.