Kragsituasie verbeter, maar beurtkrag geld steeds

(Argieffoto: Unsplash)

Beurtkrag word steeds vandag (Dinsdag) om 17:00 in werking gestel, maar danksy ʼn verbetering in opwekkingsvermoë sal fase 1, pleks van fase 2 soos vroeër verwag, vanaand geld.

Beurtkrag sal tot 22:00 duur.

“ʼn Bykomende opwekkingseenheid is deur die loop van die dag in diens gestel, terwyl nog een na verwagting later vandag sal volg. Dit sal die opwekkingskapasiteit verhoog,” het die kragvoorsiener ʼn kort rukkie gelede gesê.

Eskom sê die vooruitsig vir die res van die week gaan na verwagting verder verbeter terwyl sy spanne werk om meer eenhede aanlyn te bring.

In hierdie stadium is 14 431MW weens onbeplande instandhoudingswerk nie beskikbaar nie, terwyl nog 2 281MW weens geskeduleerde instandhoudingswerk nie beskikbaar is nie.

“Ons ondervind tans hoë aandspitstye, wat tekenend van die winteraanvraagtydperk is.”

Eskom sê sou daar enige verdere agteruitgang in opwekkingskapasiteit wees, kan beurtkrag moontlik weer in werking gestel word. Dit sal in die winter waarskynlik tussen 17:00 en 22:00 wees.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Tipper

Liewer in die winter,jy kan warm aantrek,in die somer werk jou aircon nie en in die nag wat dit so warm word gaan jou fan nie werk nie,hy sal doodstil staan,dan Chau die muskiete jou.

alice

Dit klink so of Eskom sê dis hulle reg om beurtkrag in te stel .

Persheks Adri

Kyk die prys verhogings, maar ons moet betaal patete! Dis verdomp koud en winter en ek’t nek en rug operasie gehad dis bitter seer! Dit nou in die aande as mens moet kos maak en van werk af kom pffft

Persheks Adri

Kyk die prys verhogings, maar ons moet betaal patete! Dis verdomp koud en winter en ek’t nek en rug operasie gehad dis bitter seer! Dit nou in die aande as mens moet kos maak en van werk af kom pffft magtag

Nico

Eskom het ‘n 1,5% salaris verhoging vir sy werkers ingestel asook ‘n tarief verhoging, maar hulle kan nie hulle werk doen nie asook die diefstal van fondse. Eskom se het nie behoorlike tegnikuste nie.