Kuiergas op plaas oorval, aangerand

Die slagoffer ná die aanval. Die foto is deur Maroela Media verbloem weens die grafiese aard daarvan. (Foto: Twitter)

Die Wes-Kaapse polisie ondersoek ʼn saak van poging tot moord en die rig van ʼn vuurwapen nadat ʼn kuiergas Saterdag op ʼn plaas buite Citrusdal deur drie gewapende mans oorval en aangerand is.

Sers. Noloyiso Rwexana, woordvoerder van die polisie, het aan Maroela Media gesê drie onbekende mans, gewapen met ʼn vuurwapen, ʼn mes en ʼn knopkierie, het die 68-jarige man met dié wapens gedreig voordat hulle hom op die plaas aangerand het.

Volgens Ian Cameron, AfriForum se hoof van gemeenskapsveiligheid, het die slagoffer terugbaklei en is hy in die proses geslaan en met die mes gesteek. Die man kon egter daarin slaag om in die plaashuis in te vlug en die paniekknoppie te aktiveer waarna die verdagtes laat spaander het.

Die polisie kon in dié stadium nie die naam van die man verstrek  nie.

Niemand is nog in verband met die voorval in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Kol

Al die boere moet staak!

Ben

Oo Weé nog een aanval.
Hoekom doen ons nie iets voorkomende hieraan nie.
Ek bid elke aand vir ons almal in SA

Karolis

Het iemand dalk cr se epos of sel no. sodat ek hierdie tipe berigte na hom kan aanstuur? Hy is blykbaar salig onbewus van wat rondom hom aangaan.

Jimmy

Hou vas, met die werkloosheid en armoede gaan dit erger word.

Alida

Ek haat dit as almal raad gee oor paraatheid. Die boere is paraat. Dra maar die paniekknoppie om jou nek. Dit help nie dit is in die huis en jy buite nie.