Pieter Coetzé spog met sy goue medalje in Birmingham. Foto: Andy Buchanan/AFP.
Suid-Afrika is nog ’n goue medalje ryker nadat Pieter Coetzé die eindronde van die 100 m-rugslagitem gewen het.
Die 18-jarige swemmer moes ’n fel aanslag van Engeland se Brodie Williams afweer en dit het in ’n stadium gelyk asof die Engelsman met die louere sou wegswem, maar Coetzé het nie moed verloor nie en sy uitgestrekte hand het eerste die muur getref.
Hy het die item in ’n tyd van 53,78 sekondes gewen, terwyl Williams (53,91 sekondes) met die silwer medalje tevrede moes wees.
Net 0,13 sekondes het die twee swemmers geskei. En om vir Jak de Priester effens verkeerdelik aan te haal – daar is inderdaad ’n fyn lyn tussen ’n eerste plek en ’n tweede plek.
Dit is egter baie lekker wanneer ’n Suid-Afrikaner op die groot verhoog wen!
Vroeër het Lara van Niekerk Suid-Afrika se eerste goue medalje gewen toe sy die 50 m-borsslagitem in ’n nuwe Statebondrekordtyd gewen het.
Uitslae:
- Pieter Coetzé 53,78 sekondes
- Brodie Williams 53,91 sekondes
- Bradley Woodward 54,06 sekondes
- Andrew Jeffcoat 54,13 sekondes
- Luke Greenbank 54,29 sekondes
- Mitchell Larkin 54,30 sekondes
- Srihari Nataraj 54,31 sekondes
- Joshua Edwards-Smith 54,63 sekondes.
It doesn't get closer than that!
A brilliant final stretch from Pieter Coetze to claim Gold for South Africa in the Men's 100m Backstroke Final ????♂️ pic.twitter.com/KqM64sDJYi
— SuperSport ???? (@SuperSportTV) July 30, 2022
Moment for the history books: Pieter Coetze receiving his gold medal following his 100m Backstroke win in the swimming event at the 2022 Commonwealth Games. We're proud of you, Pieter ????????????????????????????????????????????????????????????♀️????♀️. #B2022 #TeamSA #B2022Swimming @swimsa_official pic.twitter.com/67htV5I6OO
— Team South Africa (@TeamSA2024) July 30, 2022
