Argieffoto (StevePB, Pixabay)
Die polisie in KwaZulu-Natal het in September op altesaam 739 onwettige vuurwapens en 5 132 rondes ammunisie beslag gelê.
Kapt. Nqobile Gwala, woordvoerder van die polisie, sê die wapens wat gekonfiskeer is, sluit in 603 pistole, 15 tuisgemaakte vuurwapens, vyf semi-outomatiese vuurwapens, 80 gewere en 36 haelgewere.
“Onwettige vuurwapens in die hande van misdadigers het ’n negatiewe uitwerking op ons gemeenskappe. Onskuldige lewens word verloor terwyl ernstige en gewelddadige misdade met hierdie onwettige vuurwapens gepleeg word,” het Gwala gesê.
Verskeie toebehore, soos lope en knaldempers, om vuurwapens aan te pas is ook herwin.
Dit is nie duidelik waar al die wapens gevind is nie.
Thulani Gonya, waarnemende polisiekommissaris van KwaZulu-Natal, het gesê die herwinning van die wapens is ’n getuienis van die verbintenis van die polisie om die besit van onwettige vuurwapens dwarsoor die provinsie hok te slaan.
Hy het ’n beroep op die publiek gedoen om onwettige vuurwapens wat in hul besit is in te gee, veral omdat die land in die midde van ’n vuurwapenamnestie is. Hy sê vuurwapenamnestie bied burgers beskerming teen vervolging weens die onwettige besit van wapens en ammunisie.
“Die doel van die amnestie was om die sirkulasie van onwettige vuurwapens hok te slaan,” sê Gonya.
Ontwapen die wetsgehoorsame bevolking en gee die ingehandigde wapens vir die kriminele.
Welgedaan. Maak net seker gekonfiskeerde wapens vind nie weer hul weg teen betaling na onderwereld dmv korrupte polisielede
Dis reg, jag die onwettige wapens en hou op maklike teikens te ontwapen
Mos natuurlik n inside job
Wonder hoeveel onwettige eff vlg week gaan saambring hof toe
Wees paraat my mense
En juis om hierdie rede gee ons nie wapens in nie en maak seker ons lisensies is op datum. Jy gee NIKS vir die staat nie!
Wie sit agter die vuurwapens, hoop dit word nou vernietig want dit gaan maar net weer na dieselfde hande toe gaan indien nie
vanaf 1994 en nou eers doen hulle hul werk – en word wonderlik geprys daarvoor terwyl die kern van die polisie voos vrot en korrup is – Tragies dat soveel mense onnodig moes sterf en daar nou eers daadwerklik iets gedoen word – iemand in die voos vrot korrupte land het die boodskap gekry – verseker.
Hoeveel van die wapens is van die polisie en weermag afkomstig? Hulle “verloor” mos gereeld en “per ongeluk” die goed…..