‘n Goeie slaappatroon is noodsaaklik vir ‘n kind se algehele gesondheid en ontwikkeling. (Foto: iStock)
Dr. David Goncalves, ʼn gesondheidspraktisyn wat in sielkunde spesialiseer, is betrokke by Headstart Kids om ʼn bydrae te lewer tot die holistiese gesondheid, en veral emosionele gesondheid, van jong kinders.
Headstart Kids is ʼn organisasie sonder winsbejag wat poog om ʼn wesenlike verskil te maak in die bekamping van wanvoeding by voorskoolse kinders regoor Suid-Afrika.
In Maroela Media se podsendingreeks oor kindervoeding gesels ʼn groep kenners verbonde aan Headstart Kids oor hoe wanvoeding kinders se algehele gesondheid beïnvloed en hoe ouers kan help om daarteen te waak.
In hierdie episode bespreek Goncalves die belangrikheid van ʼn goeie slaappatroon vir ʼn kind se algehele gesondheid en ontwikkeling, en hoe goeie kindervoeding tot ʼn goeie slaap bydra.
- Luister boaan die artikel na die volledige episode. Luister hier na episode 3, waar Goncalves praat oor die verband tussen kindervoeding en algehele emosionele gesondheid.
- Vir meer inligting oor Headstart Kids, besoek die webwerf.
Dr. David Goncalves. (Foto: Verskaf)
