Malema-saak op ‘ongewone wyse’ uitgestel

Julius Malema. Foto: EFF/Twitter

Die verhoor van Julius Malema, leier van die EFF, en Mbuyiseni Ndlozi, EFF-LP, sou vandag in die Randburgse landdroshof begin het, maar dié saak is onder “ongewone omstandighede” tot Desember uitgestel. Dit is al die tweede keer vanjaar wat dié saak uitgestel is.

Volgens Jacques Broodryk, AfriForum se bestuurder van veldtogte, is die privaatvervolgingseenheid vandag by hul aankoms by die hof ingelig dat Malema en Ndlozi se regspan en die staat glo ooreengekom het om die saak uit te stel. Geen van die ander betrokke partye is glo hiervan ingelig nie.

“Dié wending is uiters ongewoon en baie kommerwekkend. Ek is redelik oortuig daarvan dat die gewone man op straat nie dieselfde voorkeurbehandeling sou ontvang nie – veral nie nadat ’n hof reeds bepaal het wanneer hulle weer moet verskyn nie,” sê Broodryk.

Malema en Ndlozi staan tereg op die aanranding van kol. Johannes Venter, ʼn senior polisielid van die Suid-Afrikaanse Polisiediens.

Malema en Ndlozi word al sedert 2019 vervolg nadat AfriForum die hof met ʼn mandamus-aansoek genader het om die Nasionale Vervolgingsgesag (NVG) te dwing om ʼn besluit oor die vervolging van Malema in hierdie saak én twee ander hangende sake teen hom te neem.

Broodryk sê dit blyk ook asof dit ’n gewoonte van Malema raak om nie vir verskynings op te daag nie. Hy het klaarblyklik ook nie in Oos-Londen verskyn nie op die klag van die onwettige afvuur van ’n vuurwapen wat AfriForum teen hom gelê het.

“Dit wil voorkom of daar ’n uitstelkultuur in die strafregstelsel posgevat het. AfriForum se privaatvervolgingseenheid sal aanhou om hierdie saak noukeurig dop te hou en toe te sien dat geregtigheid geskied,” sê adv. Gerrie Nel, hoof van AfriForum se privaatvervolgingseenheid.

Die saak kom weer 6 tot 9 Desember voor die hof.

Die beweerde aanrandingsvoorval het in April 2018 by die begrafnis van Winnie Madikizela-Mandela plaasgevind toe Malema en Ndlozi glo die kolonel in uniform aangerand het.

Hoewel Venter ʼn klag by die polisie ingedien het, blyk dit dat die saak eers aandag gekry het nadat die organisasie se private vervolgingseenheid ʼn navraag oor die ondersoek ingedien het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

32 Kommentare

jongste oudste gewildste
Werner

Hy gaan net soos sy pel zuma niks oorkom nie.Hulle is besig om ons in n komunistiese staat te dompel.Malema en zuma en Cyril speel almal hulle rolle

Misky

Malema, Ndlozi, Jacob Zuma, Ace, Carl Niehaus……. en so kan ek aangaan. Hoe is dit moontlik en hierdie ouens kom letterlik met moord weg? Ek wil skreeu en huil van woede tegelyk!!!

Persheks Adri

Hoe op dees liewe aarde kry hulle dit reg? Lyk my almal is bang vir die groot mond… Laat ek tog nou wapens afvuur eish of my hande los raak dan sit ek! Gatvol vir die stelsel regtig PFFFT!!!

marius

Soos spaghetti inmekaar gevleg . Die hele spul van bo tot onder .

Porseleintjie

Die verwagte wyse eerder. Korrupte spul.