Man (69) stap 2 km vir hulp ná NW-plaasaanval

Argieffoto: Reint Dykema

ʼn Man (69) is Saterdagaand ernstig beseer toe aanvallers hom met ysterstawe, pangas en stukke hout aangeval het op sy plaas in Derby in Noordwes.

Leon Prinsloo, hoof van landelike beveiliging wat eerste op die toneel was, het aan Maroela Media gesê die man het gelê en televisie kyk toe daar ongeveer vier aanvallers by die voordeur ingekom en die man begin aanrand het.

Hulle het hom vasgebind en die huis begin plunder. “Hulle het die hele yskas met vleis en al na sy bakkie gedra. Die inhoud van die koskaste is in koelbokse gepak en ook uitgedra. Ander waardevolle items soos die televisie en sy selfoon is ook gesteel,” het Prinsloo gesê.

Prinsloo vertel die aanvallers het op die kluis afgekom, die man daarheen gesleep en hom met ʼn panga teen sy keel gedwing om die kluis oop te maak.

“ʼn Struweling het ontstaan nadat die man homself kon loswikkel en hulle met ʼn ysterstaaf wat op die grond gelê het, geslaan het. Twee skote is afgevuur. Hy is in sy linkervoorarm en die waai van sy regterarm gewond.”

Die man is daarna weer vasgebind en het toe verskeie snywonde opgedoen.

Die verdagtes het met sy Nissan Navara-bakkie van die toneel gevlug. Volgens Prinsloo kon deur spore bevestig word dat daar vier aanvallers was. “Miskien vyf.”

Die man kon daarin slaag om sy voete los te wikkel en het volgens Prinsloo ongeveer twee kilometer deur bosse gestap om by die aangrensende plaas uit te kom.

Hulp is van daar af ontbied.

Die man sterk tans in die hospitaal aan.

Ian Cameron, hoof van gemeenskapsveiligheid by AfriForum, het gesê daar was drie aanvalle op plase in die afgelope 12 uur.

Maroela Media wag op kommentaar van die polisie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
Abel v/d Merwe

Hier is in die stilte “oorlog” verklaar…..of is dit een of ander vorm van terrorisme. Dit is beslis nie meer allddaagse misdaad en kriminele dade nie. Dit is wel BAIE kommerwekkend en wat die uit einde gaan wees gaan katastrofes wees.

Henk

Ons boere en swart mense wat moeg vir praat is moet ophou om enige vorm van belasting, dienste en enige betaling aan die staad oor te betaal. As almal saam staan sal dit werk.

De Villiers

Dis nou al ‘n epidemie. Ek wens die publiek kan so saamstaan teen plaasaanvalle soos wat hulle saamstaan teen renosterstropings.

Erick

Ken Derby goed. Het familie gehad wat daar geboer het en nog familie wat nou daar woon. Baie hartseer

Brenda Holland

Ek kry die gevoel dat aanvalle van uit zim beplan en uitgevoer word!