Man lieg glo oor kaping; vas vir moord

Argieffoto: SAPD

Argieffoto: SAPD

ʼn Johannesburgse man wat beweer het dat sy vrou deur kapers vermoor is, is Dinsdag vir die moord in hegtenis geneem.

Kapt. Tsekiso Mofokeng, woordvoerder van die polisie, het gesê die 35-jarige man het Maandag ʼn saak by die polisie aanhangig gemaak en beweer die motor waarin hy en sy vrou gery het, is gekaap.

Volgens die man het hy en sy 24-jarige vrou in Lenasia in die suide van Johannesburg gery, toe kapers op die motor toegesak en een van die vensters stukkend geslaan het. Die man het gesê hy kon daarin slaag om weg te hardloop, maar die kapers het met die motor weggejaag, met sy vrou steeds binne die voertuig.

Mofokeng het gesê die polisie is na die toneel om ondersoek in te stel en het die motor verlate langs die pad gevind met die vrou se liggaam binne. Sy het ʼn meswond aan haar bolyf gehad. “By nadere ondersoek het die polisie egter agtergekom dat daar geen waarheid in die man se storie steek nie en dat daar nooit ’n kaping plaasgevind het nie,” het Mofokeng gesê.

“Die man is Dinsdag in hegtenis geneem op aanklagte van moord, meineed en dwarsboming van die gereg.”

Die man sal Donderdag in die hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

7 Kommentare

Susan ·

ai hy was seker weer in verhouding met iemand anders of geld is seker weer betrokke

Snip ·

Ek kan nie verstaan hoekom mense dink dat hulle met so iets sal wegkom nie. Dit is wragtig dom.

Annie ·

Hy is darem maar lekker stupid, polisie is nie heeltemal so dom soos wat party mense dink nie. Ja of geld of ‘n ander vrou – nou kry hy nie een van die 2 nie – lekker kry vir jou.

Sarel Strydom ·

Nou gaan hy borg toegestaan word en dan gaan die saak vir jare voortduur.

Ek ·

Volgende wat hy gaan sê is:”Selfverdediging” Dit is so “dajavu”

jaco ·

Die polisie was net lui en incompetent om die saak te ondersoek. toe kom hulle met die maklike uitweg: die een wat die kaping oorleef het, het dit gedoen.
Hulle doen dieselfde met talle ander moordsake. Inge Lotz en Griekwastad plaasmoord was presies dieselfde

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.