Man op plaas met breekyster aangerand

Argieffoto: Lorraine Claasen

ʼn Man is in die hospitaal opgeneem nadat hy Saterdagaand op ʼn plaas naby Marble Hall met ʼn breekyster aangerand is.

Kol. Moatshe Ngoepe, woordvoerder van die polisie, sê die man se dogter het omstreeks 21:00 by die huis aangekom en gesien hoe vier onbekende mans die huis binnegaan. Daar het hulle haar pa met vuurwapens aangehou.

“In die proses is skote in haar rigting afgevuur. Sy het probeer weghardloop, maar die aanvallers het haar gegryp en in die huis in gedwing,” het Ngoepe gesê.

Volgens Ngoepe het die aanvallers geld by die slagoffers geëis en was dit in dié tyd toe die man met ʼn breekyster aangerand is. “Die aanvallers het drie vuurwapens en selfone geroof voordat hulle van die toneel gevlug het.”

Ian Cameron, AfriForum se hoof van gemeenskapsveiligheid, het die man as Gert Kruger geïdentifiseer. Volgens Cameron was beide Gert se vrou en sy dogter teenwoordig toe die aanval plaasgevind het.

Gert is met kopbeserings na ʼn hospitaal in Middelburg gehaas.

Cameron sê verskeie inwoners en lede van die plaaslike buurtwag het gehelp om die aanvallers se spore te volg, maar hulle kon daarin slaag om te vlug. Volgens Ngoepe word ʼn saak van huisbraak ondersoek. Niemand is nog in hegtenis geneem nie.

Enigiemand met meer inligting word versoek om dit by Stop Misdaad by 08600 10111 of die naaste polisiestasie aan te meld.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Johan

Nog ‘n plaasaanval wat die Regering niks van sal wil weet nie…. Dis nie belangrike statistiek nie….

Phil

Huisbraak? Dit klink vir my meer na gwapende roof en poging tot moord!

Lana

Daar is skote in die rigting van die dogter afgevuur – poging tot moord.
Dis man is ernstig beseer na aanranding – aanranding met die doel om ernstig te besser.
Daar sal beslis nie net huisroof ondersoek kan word nie!!!

Willem

Dit is poging tot moord, nie huisbraak nie. Skrik wakker SAP.

Markus

Die skelms het oorlog verklaar en die boere is aan die verloor kant,laat my dink aan n vidio clip van n boere kryger in die boere oorlog wat vra hoe gaan ons wen ons is 50 man sterk en hulle is 500,toe sê die seun pa ons gaan weer laat klaarkry vanaand maar wen gaan ons wen .