Man op Pta-kleinhoewe geskiet

Argieffoto (Foto: imgkid.com)

Argieffoto (Foto: imgkid.com)

Die polisie ondersoek ʼn saak van poging tot moord nadat ʼn man Dinsdagaand op ʼn kleinhoewe in Tiegerpoort, oos van Pretoria geskiet is.

Kapt. Marissa van der Merwe, woordvoerder van die polisie, het gesê Tyron Harding (26) is in sy heup geskiet. Hy is per helikopter na ʼn hospitaal geneem.

“Omstreeks 21:00 het die honde op die kleinhoewe begin blaf en Harding het na die deur geloop om te kyk hoekom die honde blaf. Die deur het oopgestaan en dit is waar die verdagte hom geskiet het,” het Van der Merwe gesê.

“Harding se pa, Darryl, het die skoot gehoor, nader gehardloop en die deur toe geklap voordat hy sy vuurwapen gaan haal het. Teen daardie tyd het die verdagtes gevlug,” het sy gesê.

Volgens Van der Merwe is dit nie duidelik hoeveel verdagtes by die voorval betrokke was nie. Niemand is nog in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

12 Kommentare

jongste oudste gewildste
DPJ

Ons bly in ‘n woeste samelewing. Alleen God drie-enig kan ons bewaar.
Kom mense ons draai terug na God en vra vir Sy beskerming. Hy is die Een wat nie sluimer of slaap nie.

alida

Dit is tragies. Hoe kon die deur oopgestaan het op ‘n kleinhoewe in hierdie tyd !!!

humor

Baie onkant gevang. Verward in ergste vorm. Kon baie lelik gewees het.

Wat-ek-lees

“Vuurwapen gaan haal??!!” Dit moet ALTYD aan jou lyf wees!!

komkommer

En steeds wil die mense nie luister nie…..