Man sit lewenslank vir verkragting van niggie (11)

Argieffoto

ʼn 34-jarige man van Thohoyandou in Limpopo is dié naweek tot lewenslange tronkstraf gevonnis vir die verkragting van sy 11-jarige niggie.

Lt.kol. Moatshe Ngoepe, polisiewoordvoerder, sê dié voorval het reeds in Julie 2016 plaasgevind.

Volgens Ngoepe was die 11-jarige besig om vir skool reg te maak toe haar oom haar in die kamer oorrompel het.

“Die dapper kind het ontsnap en by die skool opgedaag met net een skoen en steeds in haar uniform,” sê hy. “Sy het haar onderwysers van die voorval vertel wat onmiddellik die polisie in kennis gestel het, waarna die man in hegtenis geneem is.”

Die man is sedertdien in polisieaanhouding. Die hof het hom in die vonnisoplegging ook verbied om weer ʼn wapen te besit.

Lt.kol. Nneke Ledwaba, provinsiale polisiekommissaris, het die maatskaplike organisasies geprys wat saam met die polisie gewerk het om die 11-jarige te rehabiliteer. Ledwaba sê daar sal geen genade wees vir misdadigers wat kinders teiken nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Sarel Strydom ·

Lewenslank nie goed genoeg nie want dit strek maar oor 25 jr.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.