Man steeds kritiek na bom in motor ontplof

Ondersoekers besig op die toneel nadat die bom ontplof het. (Foto met vergunning van Greg Muller van Down South Towing)

Die man van Kaapstad wat Vrydag kritieke beserings opgedoen het nadat ʼn bom wat in sy voertuig geplant was, ontplof het, is ʼn Britse burger.

Kapt. Philani Nkwalase, woordvoerder van die Valke, het aan Maroela Media bevestig die 48-jarige Brit woon in Kaapstad, maar sê sy identiteit kan nie in die stadium bekendgemaak word nie.

Die voorval het gister omstreeks 12:30 gebeur. Kapt. FC van Wyk, woordvoerder van die polisie, vertel die man het van sy huis in die Stonehurst-landgoed in die rigting van Ou Kaapse Weg gery toe die bom in sy motor op Steenbergweg ontplof het. Hy is in ʼn kritieke toestand na die hospitaal gehaas.

Misdaadtoneelkenners, die polisie se bomspan en die honde-eenheid was ure lank op die toneel besig om die ontploffing te ondersoek en die toneel vir leidrade te fynkam. Die ondersoek is later aan die Valke oorgegee.

Nkwalase het bevestig daar is vasgestel ʼn bom was onder die bestuurdersitplek van die motor geplant. Die man was alleen in die motor toe die bom ontplof het. Daar is op die voertuig beslag gelê vir nadere ondersoek.

Nkwalase wou hom nie uitlaat oor die motief vir die voorval nie en sê dit sal deel vorm van die Valke se ondersoek. ʼn Saak van poging tot moord word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Bmw

En daar begin dit????

Seemonster

Sjoe, ek wonder waarmee hy deurmekaar was om iemand SO kwaad te maak . . . .

Gaitsigubib

Dalk was dit net die motor uitskietstoel wat gemalfunction het.

Poppie

Wonder net hoe kom hulle in sy kar? Iewers is iets nie reg.

Cherokee

Dit laat 2 opsies. Eerstens iemand anders wat die bom geplant het om hom te verongeluk of homself wat die bom vervoer het en dat dit vroeër as beplan afgegaan het. Bomme is gevaarlik. Dit kan mense seermaak.