Man sterf toe trok omslaan

Die vragmotor wat omgeslaan het. Foto: ER24

Die vragmotor wat omgeslaan het. Foto: ER24

ʼn Man in sy 40’s is dood nadat die vragmotor waarmee hy gery het Dinsdagoggend by Kaapstad omgeslaan het.

Volgens Russel Meiring, woordvoerder van ER24, het die ongeluk op die Okavango-pad in die Cape Gate-omgewing plaasgevind.

“Die vragmotor het die pad verlaat en op die sykant in ʼn sloot tot stilstand gekom,” het Meiring gesê. “Dit is nog nie duidelik hoe die ongeluk plaasgevind het nie. Dit word ondersoek.”

Meiring het gesê die bestuurder se liggaam is buite voor die vragmotor aangetref. “Hy het veelvuldige beserings opgedoen en daar kon ongelukkig niks vir hom gedoen word nie.”

Die man is op die toneel dood verklaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.