Man sterf weke ná skietery by skool

Die bestuurder van die polisievoertuig probeer wegjaag van die man wat bakstene na die vangwa toe slinger. (Skermskoot uit video)

Die man wat vroeër vandeesmaand deur ʼn polisiebeampte geskiet is toe hy amok by ʼn hoërskool in Mpumalanga gemaak het, is intussen dood.

Die Onafhanklike Polisieondersoekdirektoraat (Opod) ondersoek die dood van Derrick Bopape wat twee weke gelede glo op ʼn verwoestingstog by die Mmametlhake Secondary School gegaan het en geboue beskadig en polisiebeamptes in hul diensmotor aangeval het.

Hy was glo ʼn voormalige leerder aan die skool en het opgedaag en geëis om die skoolhoof te sien. Daar is egter aan hom gesê dat hy nie die skoolhoof kan sien nie, waarna hy gewelddadig geraak het en bakstene na die skool se vensters geslinger het.

Maroela Media het vroeër berig ʼn video is op sosiale media versprei waarin gesien kan word hoe Bopape die polisie met by aankoms op die toneel met klippe bestook.

Bopape is tydens die voorval deur ʼn polisiebeampte in sy been geskiet om hom in bedwang te bring. Opod het sedertdien ʼn ondersoek na die voorval van stapel gestuur.

Moses Dlamini, woordvoerder van Opod, het by navraag gesê hy kan nie in dié stadium meer inligting rondom Bopape se dood verskaf nie, aangesien “sy dood die onderwerp van ʼn ondersoek is”.

Dlamini sê die direktoraat het aanvanklik die afvuur van ʼn polisievuurwapen in ooreenstemming met sy mandaat ondersoek. Dié ondersoek sal egter nou eerder op Bopape se dood fokus.

Dit is nie duidelik of Bopape in ʼn hospitaal oorlede is nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

31 Kommentare

jongste oudste gewildste
Charlie

Om met baksteen te gooi op baie kort afstand kan dodelik geweldadig wees.
Speel met vuur en jy sterf deur vuur.
ek
Bedwing jou. Jy bereik weinig deur geweldadig te word.

Laksman

Waarom die dood ondersoek? Enige regdenkende mens kan mos sien wat hy doen in die video; hy val die polisie aan en tart dus die staat se gesag uit. Waarom is hy dood aan n wond in sy been? Wat het hy gerook dat hy gedink het hy is “bulletproof”? Die polisie sal nou seker van moord aangekla word deur die liberale regstelsel.

N

Ek het daai video gesien. Daai polisman het niks verkeerd gedoen deur Bopape te skiet nie. Bopape was beserk. Moet die beampte staan dat hy met n baksteen gegooi word? Die polisie moet meer kere so optree dan sal wet en orde dalk beter gehandhaaf kan word. Sy ouers gaan nou seker n huis kry vir hul “verlies”.

Koos de Meyer.

As jy na die vidio gekyk het is duidelik dat hy soos ‘n besetene tekere gegaan het. Hy het nie om gegee wat hy doen nie.

Lina Smit

Nie n verlies nie