Die polisie in Tzaneen het ʼn versoek aan die publiek gerig vir enige inligting om Charles Daniel Tolmay (74) op te spoor.
Tolmay het Donderdag van die Gladstoneplaas in Tarentaalrand in Tzaneen verdwyn.
Sers. Maphure Manamela, woordvoerder van die polisie, sê Tolmay se dogter het hom die middag omstreeks 12:00 laas gesien toe hy gaan stap het. Hy het nooit weer teruggekeer huis toe nie.
“ʼn Omvattende soektog is in die omgewing en by vriende en familielede van stapel gestuur, maar dit was onsuksesvol.”
Hy het ʼn khaki-kortbroek, kortmouhemp en bruin velskoene aangehad toe hy verdwyn het.
Tolmay ly aan Alzheimer se siekte en is ‘n diabeet. Die familie het intussen ook ‘n beloning van R10 000 aangebied vir enige inligting wat hulle kan help om hom op te spoor.
Enigiemand met inligting word versoek om sers. Monareng te kontak by 082 414 3309 of 051 306 2111/112.
Mag die Oom vinnig en veilig gevind word.
Is daar al enige nuus oor die oom?