Brig. Hangwani Mulaudzi, woordvoerder van die Valke, het gesê die man is Maandag op ʼn plot in Muldersdrift buite Johannesburg in hegtenis geneem. Volgens Mulaudzi sal die verdagte na verwagting Woensdag in die hof verskyn.
Op ʼn vraag aan Mulaudzi oor op watter aanklagte die man tereg sal staan, het hy gesê daar is nog nie “formele aanklagte geformuleer nie”.
Luthuli-huis en die Star-koerant se kantore in die Johannesburgse middestad moes op 14 September ontruim word nadat ʼn bomdreigement ontvang is. Daar is destyds berig dat adj.pres. Cyril Ramaphosa in die gebou was ten tyde van die bomdreigement en dat pres. Jacob Zuma later ʼn vergadering daar sou bywoon.
ʼn Groot gebied om die kantore is afgesper en eers later weer heropen nadat snuffelhonde die twee geboue deursoek het en dit veilig verklaar is.
Ja wel, hy het seker by die beste geleer.
Wat jy saai sal jy maai, net jammer ons kan nie fotos hier plaas van die stasie bom nie.
Net dade werk !!As jy dan moet gaan tronkstraf sit. Dreigemente werk nie, dit sal enigeen met kinders jou kan vertel.