Man vas wat hof se vensters met hamer takel

Die konstitusionele hof. (Argieffoto: Ashraf Hendricks)

’n 36-jarige man is in hegtenis geneem nadat hy na bewering vensters van die Konstitusionele Hof in Braamfontein, Johannesburg, met ’n hamer uitgeslaan het.

Lt.kol. Robert Netshiunda, polisiewoordvoerder, sê beamptes is Woensdagoggend na die land se hoogste hof ontbied nadat vensters van die hofgebou uitgeslaan is.

Polisiebeamptes het met hul aankoms ’n waarskuwingskoot afgevuur nadat die verdagte bloot aangehou het om die vensters uit te slaan selfs nadat hy beveel is om daarmee op te hou.

Die man staan nou tereg op aanklag van die kwaadwillige beskadiging van eiendom.

Hy sal binnekort in ’n hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

14 Kommentare

jongste oudste gewildste
Kokerboom

Word die plekke nie bewaak? Is die skepsel in geel in foto dan net ‘n blompot?
Nee waaragtig so kan dinge NIE aangaan.

Diline

Nee wat die soort ding ruk nou handuit! dis nie ‘n toevallige insident nie. Daar is ‘n groep mense wat hierdie aanvalle beplan met ‘n doel. Begin soek na die REGTE groep agter hierdie vandalisme.

Sean

Ek ruik n rot?

annie

Mens weet nie eens waar die grondwethof setel nie, maar dié ou wel en hy het ‘n hamer bekom en saamgeneem om willens en wetens die glas te takel. Hy moes dus geweet het hoe dit daar lyk. Sy liewe familie sal seker ook heftig ontken dat dit hý was.

Pablo

Hy sal niks oorkom nie. Klink soos n nutcase.