Twee werkers het Donderdagmiddag in Bryanston, Johannesburg, verdrink terwyl hulle aan ʼn waterklep in ʼn diep put gewerk het.
Die werkers se toesighouer het die voorval sien gebeur en ingespring om hulle te red, maar het self byna verdrink.
Netcare 911 en die Stad Johannesburg se nooddienste het kort ná 11:00 op oproepe gereageer ná die verdrinking van die twee mans.
Die Stad se brand- en reddingsdiens, die Suid-Afrikaanse Polisiediens (SAPD), ʼn soek-en-reddingspan en die honde-eenheid was ook op die toneel.
Shawn Herbst, woordvoerder van Netcare 911, sê die mans het in ʼn diep put in ʼn oop veld in die gebied gewerk toe die voorval plaasgevind het.
“By paramedici se aankoms is hulle meegedeel dat twee werkers aan ʼn koppeling van ʼn groot ondergedompelde waterklep gewerk het, toe hulle in die moeilikheid beland en verdrink het,” sê hy.
“Die toesighouer het die voorval gesien gebeur en in die water gespring om hulle te probeer red. Hy het in die moeilikheid beland en byna verdink, maar kon homself net betyds uit die water kry.”
Nooddienste op die toneel het toerusting gebruik om die watervlak te help verlaag, waarna polisieduikers in die put afgehys is.
Die duikers het die soektog na die twee mans, albei in hul 40’s, voortgesit en hulle kort daarna sowat byna 10 m diep aangetref.
“Nadat die mans se liggame na die oppervlak gebring is, is albei op die toneel dood verklaar.”
Volgens Herbst sal die omstandighede van die voorval deur die betrokke wetstoepassingsowerhede ondersoek word.
@CityofJoburgEMS Two bodies recovered in a storm water drain this afternoon in Bryanston @CityofJoburgZA @CoJPublicSafety #JoburgBravest pic.twitter.com/Vn1DNNLtAg
— Cojems Spokesperson (@RobertMulaudzi) August 18, 2022
Baie hartseer. Tog wonder ek of dit voorkom kon word?
Dis terrible….
Was die nodige voorsorg getref ?
1 ) gastoets in die put
2 ) veiligheids baatjies en toue
Stem saam
10m onder water?….duiktoerusting…..
Dis nou waar die 30% slaag syfer intree.
Ongevraagd. Dit is tragies.