Marikana-koppie glo deel van grondeis

Jerome Lottering, voorsitter van die Middelkraal-ontwikkelingsgemeenskap (Foto: Molaole Montsho/ANA)

ʼn Grondeis is ingestel vir die stuk grond in Marikana, naby Rustenburg, waar 34 mynwerkers sewe jaar gelede dood is, het een van die eisers Vrydag gesê.

Jerome Lottering, voorsitter van die Middelkraal-ontwikkelingsgemeenskap, het gesê die plek staan bekend as Middelkraal en die berugte koppie staan bekend as Jakalskop. “My oupagrootjie het hier gewerk. Hierdie gebied was ons grond. My oupa het daar bo-op die Jakalskop-koppie gespeel.”

Lottering sê van sy familielede is naby die smeltoond begrawe. “Vyf families het hier gebly. Hulle grond is in 1969 onteien en nou is hulle oor die land versprei. Sommige bly in Pretoria.”

Hy het gesê hulle is teleurgesteld omdat hulle jaarliks, tydens die Marikana-herdenking, nooit, as grondeienaars, gekonsulteer word nie. “Dis baie hartseer wat hier gebeur het. Mense wat gesterf het is baie hartseer, maar dit is erger vir ons dat ons nie genader is nie. Mense staan op ons grond en ons word nooit gekonsulteer nie. Hierdie grond is Middelkraal. Dit behoort nie aan die Bapo [tradisionele owerheid] nie.”

Hy het gesê die gebied waar die Lonmin-kantoor geleë is, was die gebied waar sy voorgeslag hul huise gebou het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

13 Kommentare

George in Bloem ·

Klink vir my maar soos net nog ‘n geldhonger idoot met ‘n feeverhaal om te vertel aan wieookal dom genoeg is om te luister.

Koos de Meyer. ·

So sal hulle aanhou en eis, waar kom als vandaan. Elke dag kom daar nuwes vorindag.

Georgie ·

Hy jok…!!!
Mý oupagrootjie se ágtergrootjie het eerste daar gespeel…!!!

Willehond ·

My familie het op tafelberg gebly! My oupa hulle het daar gespeel en gejag. Van die kinders is daar begrawe. Dis my familie se berg en ons eiendom! Wil iemand dit betwis?

Right said Fred ·

Haai rerig – die huisie bo-op die berg met die foefie-slide? Hoeveel kindertjies het daar afgeval?

Ai ·

Snaaks omdat sy oupa grootjie daar gewerk het neem hul nou aan hul het reg tot eiendom…

Asmain ·

Ek het dan seker ook n aanspraak op n stukkie grond iewers in Swede- my Viking voorvaders het ook daar gebly en gespeel!

Gert van Wierdapark ·

Jak-als-kop is 7 jaar gelede “op die kaart” geplaas! Die soort grond-eis klink nogal bietjie optimisties? Wat gaan die myn-werkers-unie daaroor doen? “Ook ‘n soort herinnerings-eis in-sit? Miskien moet pres CR ook’ n stuiwer in die arm-beurs gooi!

Martin ·

Ag asseblief tog….. en die grond waarop die unie gebou staan het aan my oupa….nee oupagrootjie behoort. Maar nou lieg ek lekker.

Cherokee ·

Daar gaan nog spookstories ontwikkel en mense gaan spook-busgeld maak deur spook kykers daarheen te ry.

Johan Swart ·

Sy oer-oupagroeitjie het vir my oer-oupagroeitjie se pa op daai plaas gewerk….ons familie het daai grond by die koi-san gekoop vir goudstukke en silwer.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.