Die gesamentlike poging van meer as 50 nooddiensbeamptes en vrywilligers het gehelp om ʼn 25-jarige vrou te red nadat haar motor by Chapmanspiek in Kaapstad afgerol het.
Die vrou het ernstige beserings opgedoen en haar motor was in ligte laaie nadat dit van die berg afgerol het.
Russel Meiring, woordvoerder van ER24, sê volgens inligting het die vrou se voertuig die rand van Chapmanspiek verlaat en gerol voordat dit ongeveer 100 m teen die berg tot stilstand gekom het. Die voertuig en die veld rondom die motor het aan die brand geslaan.
“Met paramedici se aankoms op die toneel was die brandweer besig om die brandende motor te blus. Verskeie nooddienste het ingespring en die vrou so vinnig moontlik uit die motorwrak probeer bevry,” sê Meiring.
SANParke se Tafelberg Nasionale Park en die Stad Kaapstad se brand-en-reddingsdienste het twee helikopters uitgestuur om te help met brandbestrydingspogings.
Ná ʼn uitgebreide reddingsoperasie is die vrou deur paramedici op die toneel gestabiliseer voordat sy deur die Houtbaai Vrywilligers-nooddienste na ʼn nabygeleë hospitaal vervoer is.
Die brandweer het ook daarin geslaag om die brand vinnig in bedwang te bring.
Die omstandighede rakende die ongeluk word ondersoek.
Sy moes te vinnig gery het, Chapmanspiek het ‘n muur al langs die pad.
Selfoon / selfie, 90% seker dis die oorssaak!
Ja Pieter…..maar net sekere roetes waar jy nie ‘n SMS kan stuur terwyl jy nie na die pad kyk. Ek sit my selfoon en kompeer in die kattebak van my kar as ek kort distansie ry. As daai foon nie lei dan weet jy nie van die opropep tot jy by jou bestemming aankom. Hulp ook dat ‘n meneerkie by ‘n robot of langs die pad probeer om jou besitting beet te kry nie. Maar soos ons nou praat het ek eenkeer ‘n jong meisie agter ‘n stuur gesien wat volle oorfone aangehad het. En soe kan jy niks om jou hoor nie…..en boef!
Daar is geen goue reël, hou te alle tye al vier wiele op die teer
Seker n amerikaanse motor want hulle slaan altyd aan die brand as hulle in ongelukke kom. Duidelik nie n Benz nie.
Selfmoord poging? 2de voertuig in n kort periode wat in daai area afgaan.