Matriekseun brand erg: ‘Wonders is besig om te gebeur’

Dian Terblanche. Foto: Verskaf

Dian Terblanche (18) is steeds in ʼn kritieke toestand in die hospitaal nadat hy ernstig beseer is tydens ʼn veldbrand, maar sy ouers meen “wonders is besig om te gebeur”.

Dian, ʼn matriekleerder aan die Hoërskool Reitz, se regterarm is Sondag geamputeer nadat hy verlede Woensdag brandwonde oor 85% van sy liggaam opgedoen het.

Dian en sy pa, Dieter, was besig om ʼn brand te bestry op hul familieplaas in die Reitz-distrik in die Vrystaat toe die vlamme hulle oorval het.

Volgens Dieter het die wind skielik gedraai terwyl hulle besig was om die brand te blus. Dieter het ook brandwonde opgedoen, maar is gister uit die Netcare Milpark-hospitaal in Johannesburg ontslaan.

Dian by sy pa Dieter.

Dian, kaptein van sy skool se eersterugbyspan, word nog in dié hospitaal behandel. “Hy is altyd in God se hande en ons weet Hy beskerm hom,” het Dieter gesê.

Dian se ma, Riana, het gesê die swelling het begin sak en dat Dian Woensdag fisioterapie vir sy longe gekry het. Sy wonde is gisteraand ook weer skoongemaak.

“Hy het bloeddialise gekry om die gifstowwe te verwyder en ʼn vinniger herstel aan te help, waaroor ons ook bly is.”

Riana, ʼn onderwyseres aan Hoërskool Reitz, het almal bedank vir hul gebede. “Ons het stof geskop in die eerste week se oë, nou pak ons week twee aan met Jesus, ons en Dietsie se Verlosser. Ons is nie bang nie, want die enigste God is by ons elke sekonde.”

Hoërskool Reitz het verlede week Donderdag ʼn biddiens vir Dian in die skoolsaal gehou.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Johanna

Dian, ek bid vir jou. Mag God jou aanraak, dat jy volkome sal herstel.
Ek dra ook jou ouers en geliefdes aan Hom op, dat Hy almal sal versterk.

Santjie

Amen!!

Hannelie

Sterkte Dian. Jy is ‘n fighter en met God aan jou sy, is enige iets moontlik. Ons almal bid vir jou.

Nadia

Alle EER aan GOD!!!! Dian ek is jammer oor alles en jammer oor jou arm. Ek bid vir jou… ek weet makliker gesê as gedaan maar daar is ‘n doel vir alles. Sterkte aan die ouers…

Johnnie

Sterkte Dian ons weet die Here doen nog steeds wonderwerk, weet dat julle in baie memse se gebedes is.