Mbalula nooi Malema terug na die ANC

Julius Malema tydens Winnie Madikizela-Mandela se begrafnis (14 April 2018) Foto: GCIS

Fikile Mbalula, voormalige polisieminister en nou die ANC se hoof van verkiesings, het Saterdag die wegbreekparty, die EFF, genooi om “huis toe te kom” na die ANC toe.

Mbalula het tydens Winnie Madikizela-Mandela se roudiens Saterdag by die Orlando-stadion in Soweto gesê dit was haar wens dat EFF-leier Julius Malema weer by die ANC moet aansluit. “Dit was mama Winnie se wens dat Malema en die EFF sou terugkeer na die ANC. Ons sal hulle aanhou bly smeek om terug te kom na mama toe.”

Mbalula het gesê hy en ander jong mense het die onderdrukking van apartheid gevoel toe hulle as tieners in hegtenis geneem is. “Dit was mama Mandela en ander wat op die voorpunt was om dit te ontbloot. Haar liefde vir die jongmense van hierdie land moet ons aanspoor om harder te werk vir werkskepping en onderwys.”

Gwede Mantashe, nasionale voorsitter van die ANC, het aanstoot geneem oor Malema se kritiek op die ANC se “versuim” om Madikizela-Mandela behoorlik te eer en te vier. “Ons is hier om haar lewe te vier en te rou, nie om wonde oop te krap nie. As ons dit gaan doen, krap ons wonde oop op die dag wat ons mama Winnie groet. Daar kan nie iets erger wees as om begrafnisse te gebruik om te baklei nie. Begrafnisse is daar om diegene wat gesterf het, te vier,” het Mantashe gesê.

Mantashe het gesê die ANC sal haar nalatenskap eer waar hy versuim het om dit te doen, veral wat betref ʼn museum by die huis in Brandfort in die Vrystaat vanwaar sy tydens apartheid verban is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

30 Kommentare

jongste oudste gewildste
E.K. die eerste

Elke haan op sy eie mishoop. Hy sal g’n terugkeer nie…

Alida

Julius M is nog vis nog vlees. Mens wonder hoeveel geld is gespandeer om die ontslapene se lewe te “vier”! Dit gaan net oor die etery agterna. Ek hoop sy rus nou in vrede.

Koos

Die propaganda oor die mandela vrou is verstommend nou het sy kwansuis niks met die moord van sepei te doen gehad nie en almal vereer haar as n tipe god maar sy was nie eers n adjunk minister in hulle kabinet nie wat n joke.

Willem

Die grootste EGO in menseheugenis., maar dat hy ‘n strateeg is en die kanse wat aan hom gegee word benut, kan niemand betwyfel nie.

Willem

En toe gebruik Fikile die begrafnisdiens om Julius te vra om terug te kom na die ANC. Kan jy nou meer, as ek Julius was, sou ek net so opgepomp wees. Daar word na Winnie meer van Julius notisie geneem en oor berig, so whauuuuuuuu ………