Meer bekend ná moord op skoolseun

Argieffoto

Panyaza Lesufi, die Gautengse LUR vir onderwys, het Woensdag gesê beeldmateriaal is aan die polisie oorhandig wat drie leerlinge van ander skole op die toneel plaas waar ʼn seun vanoggend buite ʼn skool in Mondeor in Johannesburg doodgesteek is.

Lesufi wou nie bespiegel of dié leerders by die voorval betrokke was nie.

Die LUR het die slagoffer identifiseer as die 19-jarige Khulani Mathebula. Mathebula was in graad 11 en het sowat ʼn kilometer van dié skool gebly.

Lesufi het gesê dat hy egter nié in die stadium meer inligting kan bekendmaak nie aangesien dit die polisie se ondersoek kan belemmer.

Themba Chauke, Mathebula se oom, het Lesufi vergesel en gesê die seun het ʼn blink toekoms gehad. “Om te dink dit sou só eindig … ek het so baie van hom verwag … hy was so ambisieus; dit is jammer dat dit só moes eindig,” het Chauke gesê.

Lesufi het hom vanoggend na die skool gehaas nadat hy van die voorval te hore gekom het. “Ons wil graag ons opregte meegevoel aan die familie betuig en hulle van ons ondersteuning verseker,” het hy gesê.

Hy het verder gesê die departement verkeer tans onder druk en benodig hulp met die veiligheid van leerders.

Volgens genl.maj. Max Masha, provinsiale polisiekommissaris, hoop die polisie om die skuldiges binne 72 uur vas te trek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
WL

Ambisieus…… hierdie 19-jarige in graad 11.

Bafana

????kyk hul na crime channel op TV
Maar hvl boere se moordenaars is al gevang
En gebeur al die gevalle rondom Lesufi se huis of wat want hy word altyd gehaas na waar probleem opduik

Zumie

meneer Lesufi
Hoe gaan julle dissipline vir julle messtekende “leerders” leer sonder wyse aanwending van die kweperlat……. dit gaan nie help om 2000 keer uit te skryf dat ek nie my maatjie moet steek met ‘n mes nie – party goed is net te ernstig

Jaap

Lesufi het hom na die skool gehaas.
Regtig.
As die hele regering hulle net wil haas na goed en dinge wat n verskil kan maak.
Maar nee haas hulle net as daar iets is vir eie gewin

Koos de Meyer.

Dissepline en die doodstraf bestaan mos nie meer nie, so wat sal ons omgee. Maak dood, brand af aan die orde van die dag.