Mej. Heelal-debakel: ‘Mthethwa se siening ʼn minderheid’

Lalela Mswane, die huidige Mej. Suid-Afrika. (Foto: Glamfuel/Facebook/Official Miss SA)

Die Suid-Afrikaanse Joodse Raad van Afgevaardigdes (SAJRA) meen Nathi Mthethwa, minister van sport, kuns en kultuur, se siening oor Suid-Afrika se deelname aan die Mej. Heelal-kompetisie verteenwoordig dié van ʼn minderheid.

Mthethwa het Sondag ʼn verklaring uitgereik waarin hy sê dat die regering sy steun aan die Mej. Suid-Afrika-organisasie onttrek ná vrugtelose pogings om die organisasie te oorreed om nié aan die internasionale kompetisie in Desember in Israel deel te neem nie.

Die ANC het egter Mthethwa se aankondiging verwelkom.

Wendy Kahn, SAJRA se nasionale direkteur, sê die protes teen Lalela Mswane, die huidige Mej. Suid-Afrika, se deelname aan die kompetisie het maar ʼn “handjievol aktiviste” gelok, en dat ’n peiling wat Donderdagaand deur Newzroom Afrika gedoen is, ’n meerderheid van byna 2:1 ten gunste van haar deelname getoon het.“Dit is baie duidelik dat minister Mthethwa se siening dié van ʼn minderheid verteenwoordig.

“Suid-Afrika het diplomatieke bande en uitgebreide kommersiële handelsbetrekkinge met Israel. Die manier waarop ons situasies beïnvloed, is om betrokke te raak, nie om te onttrek nie.” Kahn meen deur deure toe te maak isoleer Suid-Afrika homself om ʼn bydrae tot vrede in die land te lewer. “Watter beter geleentheid het ’n Suid-Afrikaner om deel te wees van iets waar sy met 70 lande regoor die wêreld, insluitend baie Arabiese lande, kan skakel om ons storie van dialoog en uitbouing van vrede te deel?”

Die ANC het Sondag gesê hy ondersteun Mthethwa se beroep op die Mej. Suid-Afrika organisasie en het ook ʼn versoek gerig dat die organisasie aan die “oorweldigende oproep” om te onttrek gehoor moet gee.

“Die rassisme, menseregteskendings, onwettige nedersettings, voortgesette onwettige besetting en die apartheidswette van Israel is goed gedokumenteer en behoort rede genoeg te wees vir onttrekking.

“Ons onthou met pyn dat swart Suid-Afrikaners nie toegelaat was om aan kompetisies deel te neem nie, waaronder die Mej. Suid-Afrika-kompetisie. Hulle moes maar aan Mej. Wêreld-kompetisies deelneem onder die titel “Mej. Afrika Suid”. Hierdie aaklige geskiedenis van rassisme onder die Mej. Suid-Afrika “handelsmerk” maak die boikot van hierdie Mej. Heelal-kompetisie nog belangriker en meer noodsaaklik,” het die regerende party in ʼn verklaring gesê.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

50 Kommentare

jongste oudste gewildste
Hansie slim

Julle verontreg haar deur haar deelname te ontsê!

Nici

As die SA regering soveel omgee vir minderhede in Israel kan hul begin deur bietjie minderhede in SA met meer respek en regverdigheid te behandel voordat hul fout soek in ander lande. Hul behoort dus geen probleem te he dat die Afrikaners hulself onafhanklik regeer nie. Ons is nou al vir lank deur die ANC verdruk en begin nou ons eie huidige agtergeblewendes ontwikkel. Los mej SA uit om haar sege te geniet.

Andre

SA regering en ANC; wat van menseregte in China en Afghanistan byvoorbeeld? Dawerende stilte van ANC wat alles mos weet en kan regstel. Blyk die gewoonte om hulle elkekeer met’n plank te slaan

Dries

Nes kleuters,dié anc.Jou fiets is grander as myne,so ek breek sy mudguards en steek sy bande stukkend.DIS WAT KLEUTERS DOEN.

KOM BY anc,ASSEBLIEF

James Curlewis

Die dink polisie wil selektiewe moraliteit toe pas.Die vrou mag wen, maar sy mag nie gaan,want…. .Dit is nou woke op sy beste,uitbuiting van n individu,tipies van die wanfunksionele sogenaamde regering,hulle bly maar n grap