ʼn Man van Mosambiek is gevonnis op aanklag dat hy koperkabel van Telkom, ter waarde van ongeveer R100 000, gesteel het.
Lt.kol. Philani Nkwalase, woordvoerder van die direktoraat vir prioriteitsmisdaadondersoeke (die Valke), het gesê Nelson Carlos Balane (35) is Donderdag in die Oudtshoorn-streekhof tot 10 jaar direkte tronkstraf gevonnis. Hy is ook onbevoeg verklaar om ʼn vuurwapen te besit en sy voertuig is geskut.
Nkwalase het gesê polisiebeamptes was op 17 April 2013 besig met ʼn lukrake stop-en-deursoek-veldtog. “Toe hulle Balane wou voorkeer, het hy in sy bakkie weggejaag. Beamptes het hom agternagesit, maar Balane het later sy Toyota Hilux-bakkie agterweë gelaat en te voet verder gevlug.”
Beamptes het beslag gelê op Telkom-koperkabels in die bakkie ter waarde van R100 000 vir verdere ondersoek.
“ʼn Lasbrief vir sy inhegtenisneming is uitgereik en die Valke het hom op 15 Mei 2014 in Benoni in Gauteng aangekeer en in hegtenis geneem.”
Sy aansoek om borgtog is suksesvol teengestaan in die hof en hy was sedertdien in aanhouding tot hy Donderdag skuldig bevind en gevonnis is.
En nou kry hy seker parool
Ja nee…. nou sal 19001 uit wees op parool. Kan net lag vir ‘n goverment, as dit nie soe tragies was nie! Wonder of die wat toegesluit is omdat hulle die Fase 5 en 4 reels gebreek in die tronk gaan aanbly. Kan net lag vir ‘n goverment, as dit nie soe tragies was nie!
Wie het hom hiernatoe genooi ?
As die skroot waarde R50 per kg is dan moes daar 2000 kg op die voertuig wees?