Mosie vir Winnie-lughawe lei tot vurige debat 

Foto: ANA

ʼn Mosie deur die EFF dat Kaapstad Internasionale Lughawe na Winnie Madikizela-Mandela vernoem word, het ʼn vurige debat in die Nasionale Vergadering tot gevolg gehad.

Die mosie was uiteindelik onsuksesvol nadat die ANC dit gewysig het. Julius Malema, leier van die EFF, het aangevoer indien die lughawe na Madikizela-Mandela vernoem word, dit die vals narratief dat net mans vir vryheid geveg het, sal regstel.

Hy het Madikizela-Mandela as ʼn onverskrokke vrou beskryf met wie Suid-Afrikaners van alle agtergronde kan identifiseer.

ANC-LP Dikeledi Magadzi het gesê haar party ondersteun die idee van naamveranderings maar dat die nodige stappe gevolg moet word. “Ons moet nie populisties wees en ons struggle-ikone as ʼn verkiesingsinstrument gebruik nie.”

Xoliswa Tom, ook ʼn ANC-LP, het gesê die parlement is volgens die Grondwet nie by magte om enige kwessie rakende ʼn naamsverandering op te los nie en dat die Lughawemaatskappy van Suid-Afrika (Acsa) reeds besig is met ʼn proses om die herbenoeming van die lughawe te reguleer.

Die DA het die mosie as ʼn verkiesingsfoefie afgemaak en gesê dit sal die belastingbetalers sowat R20 miljoen uit die sak jaag.

Die UDM het die mosie gesteun en LP Nqabayomzi Kwankwa het gesê dit sal gepas wees om die moederstad se lughawe te vernoem na ʼn vrou wat as die moeder van die nasie bekend staan.

Malema het Magadzi daarvan beskuldig dat sy politieke selfmoord pleeg en dat haar ondersteuning van die mosie die eerste revolusionêre daad van haar lewe sal wees.

Die ANC se hoofsweep, Jackson Mthembu, het voorgestel dat die mosie gewysig word om te lees dat die Nasionale Vergadering die proses wat deur Acsa onderneem is, steun. Mthembu se gewysigde mosie is met 224 stemme teenoor 25 aanvaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Gaitsigubib

Nou word sy beskou as die moeder van die nasie. Ek wonder of stompie ook so gedink het?

Skroef

Malema is n klassieke voorbeeld van Afrika vryheid! Waat daar geeis word is hy heel voor. Maar… Waar het malema ooit n bydrae gemaak? n Donasie gemaak? n Skenking gedoen? Dis tyd dat n voorsteller van naamsverandering uit eie persoonlike sak elke sent wat dit kos self betaal. Vra die skares wat sulke besluite steun hoeveel rdp huise kon gebou word met die geld wat naamsverandering kos. Wat het die anc al gedoen sedert hulle oorgeneem het? Een duur blaps na die ander en name verander. Malema is welkom om die “Land van herkoms” op sy geboortesertifikaat te gaan verander… Lees meer »

HPV

Ek kon en sal nooit met die eff, blf anc, winnie identifiseer nie, hoe kan jy jouself idendifiseer met mense onder wie se toestemming en toesig die land letterlik kaal geplunder is? En dit gaan steeds daagliks voort. As dit vernoem moet word vernoem dit na ‘n opbouer, nie na afbrekers nie. Sien Eckhard Binding video en sien ‘n opbouer.

Manie

Maak nie saak wat hulle dit ookal noem nie, Kaapstad bly DF Malan en Johannesburg, Jan Smuts.

alida

Weereens geld mors. Die buitelanders sal nie eers die naam kan uitspreek nie. Bou huise vir die armes ter ere van die “moeder” met bloed aan haar hande.