Dit het gelyk of Elzabie Brand (54) se silwerkleurige Mazda CX5 wat tydens haar en haar ouers, Dan (83) en Breggie (73) Brand, se moord gesteel is, onlangs gewas is. Daar was ook bloedvlekke in die motor.
Só het die egpaar se skoonseun, Jacobus Frederick de Beer, Dinsdag in die hooggeregshof in Kimberley getuig. De Beer is ʼn paar dae ná die moord op die drie lede van die gesin na die polisiestasie op Hartswater ontbied waar hy hul gesteelde voertuie – die Mazda en ʼn rooi Nissan Micra – moes uitken.
Hy het getuig die Mazda was nog die enigste “lopende motor” wat hy toe in sy besit geneem het.
“Die agtersitplek, matte en kattebak was nog klam en dit was duidelik dat die kar onlangs gewas is,” het De Beer getuig.
“Die motor het vir ʼn paar dae in die son toegestaan en het ʼn verskriklike benoude reuk gehad.”
Die 20-jarige Realeboga Manyedi het in September as staatsgetuie aangevoer dat hy die beskuldigdes, Tshepo Visagie (36), Donald Seoleseng (21) en Tsepaone Melato (20), die dag van die Brand-gesin se moorde gehelp het om die Mazda te was.
Manyedi het getuig die motor se bagasiebak was vol bloed en Visagie – sy halfbroer – het hom verseker dat dit die bloed van ʼn donkie was waarteen hulle vasgery het.
Seoleseng, Visagie en Melato is saam met Kgomotso Mpulwana (43) die beskuldigdes in die moordsaak.
Die vier staan tereg op drie aanklagte van moord, een aanklag van roof met verswarende omstandighede, drie aanklagte van ontvoering en drie aanklagte van dwarsboming van die gereg. Seoleseng word ook daarvan aangekla dat hy uit aanhouding ontsnap het.
Die Brand-gesin is op 26 Julie 2020 op hul kleinhoewe by Magogong, naby Hartswater, ontvoer en vermoor.
Volgens De Beer het die Mazda altyd ʼn Gauteng-nommerplaat gehad, maar toe hy die voertuig ontvang het, het dit ʼn Noord-Kaap-nommerplaat gehad.
Hy het ook getuig dat die linkeragterwiel – wat die motor se spaarwiel was – se wielvelling stukkend en die band pap was. Daar was ook ʼn groot duik op die motor se voorste buffer.
“Ek het die motor na ʼn motorbesigheid toe gevat wat vasgestel het die wielvelling het ʼn gat in. Dit blyk asof die motor oor ʼn klip gery het wat ʼn gat in die wielvelling geslaan het,” getuig De Beer.
Seoleseng, Manyedi en Mpulwana is op Dinsdag 28 Julie 2020 op die N8-roete naby die Podimoe-kruising naby Rooiwal in die Mazda in hegtenis geneem.
Seoleseng is by sy inhegtenisneming agter in ʼn polisievoertuig gesit om hom polisiestasie toe te neem. Terwyl die polisie ʼn soektog na die vermiste Brand-familie uitgevoer het, het Seoleseng ontsnap. Hy is later weer vasgetrek.
Die egpaar se gesteelde Nissan Micra is ʼn dag later verlate in ʼn steengroef naby die Majaneng-nedersetting gevind. Die slagoffers se liggame is kort daarna opgespoor.
Dan en Elzabie se liggame is in ʼn beboste gebied in die Diretseleng-omgewing in Taung gekry en Breggie se liggaam is in ʼn blou duvet in ’n watergat in die Taung-omgewing aangetref.
- Lees ook Maroela Media se vorige berigte oor die moordsaak hier.
En so is 90% van die gevalle voorheen benaadeeldes wat huidige benaadeeldes vermoor as ons ons eie land gehad het en onself kon regeer sou 90 persent van ons vermoorde mense vandag nog ‘n positiewe invloed op ons samelewing gehad het.
98%
Hoop hulle geniet die besoek aan die tronk! 3X Lewenslank!
Sonder kans op parool!
Al kry hulle 25 keer lewenslank gaan hulle presies een en ‘n half minuut na hulle vonnis vry gelaat word. Onthouidie goed is Cele se helde
Een en ‘n half minuut??? Dink jy nie jy oordryf nie?
Die prentjie raak net al hoe erger en die ANC is nie in n posisie om hulle gemors op te klaar nie. Genade wat n disaster om die minste te sy. Gee pad terwyl jy kan.
Mag hul vrot in die tronk en nooit weer uitkom nie.
Sulke ongediertes hoort by hulle Pa, die duiwel.
Sluit toe en gooi sleutel ver weg laat hulle sit!!!!!!
Hulle wreedheid ken geen perke nie
Hoe ontsnap ‘n verdagte uit ‘n poisievoertuig … hy is mos veronderstel om geboei te wees …