Nelspruit-plaasmoord: Ma, seun veg verbete terug  

Annemarie Botha en haar seun Ruan.

Annemarie Botha het verbete teruggeveg toe sy en haar verstandelik gestremde seun op ʼn plaas buite Nelspruit, Mpumalanga, aangeval en vermoor is.

Dit blyk dat Ruan, in sy vroeë 30’s, ook sy ma probeer beskerm het voordat hulle wreed vermoor is. Fanie Botha was besig met patrollie op die plaas en het by sy terugkeer op die gru-toneel afgekom.

Annemarie (64) is dood nadat sy verskeie kere met ʼn skerp voorwerp gesteek en Ruan is vermoedelik met ʼn voorwerp doodgeslaan.

“Daar was soveel bloed. Hulle is erg verniel,” het ʼn verslae Jaap Breedt, ʼn neef van Fanie, gesê. Hy was Saterdagaand ná die moorde op die toneel.

“Faan [Fanie] is ʼn bestuurder op die plaas en hy was die naweek aan diens. Hy het patrollie gaan ry en toe hy terug by die huis kom het hy by ʼn sydeur ingegaan en gesien die huis is geplunder.”

Botha het na sy vrou geroep maar geen antwoord gekry nie waarna hy op haar en Ruan se liggame in die sitkamer afgekom het.

“Sy het op haar rug gelê en Ruan het half bo-oor haar gelê, so ons dink hy het haar probeer beskerm. ʼn Mens kan sien sy het ook verbete terugbaklei,” het Breedt gesê.

Fanie en Annemarie Botha.

Daar is nog nie duidelikheid oor presies hoeveel aanvallers daar was nie, maar Breedt vermoed daar was meer as een. Die moordenaars het ʼn heining geknip om toegang tot die huis te kry. Hulle het ná die moorde met verskeie huishoudelike items op die vlug geslaan. Daar word vermoed dat hulle moontlik Botha se bakkie hoor aankom het en toe gevlug het.

Volgens Breedt het Ruan by ʼn sorgsentrum in Lydenburg ingewoon en het hy naweke op die plaas kom kuier. Annemarie was ʼn onderwyser by die Calvary Christian School in Nelspruit. “Ons is baie verbitterd en kwaad,” het Breedt gesê.

Die polisie ondersoek sake van moord en roof. “Daar is onmiddellik met ʼn grootskaalse soektog na die moordenaar(s) begin. Die motief vir die moord is nie in dié stadium bekend nie,” het kol. Donald Mdhluli, polisiewoordvoerder, gesê.

Die polisiebestuur in die provinsie het sy kommer oor plaasmoorde in die provinsie uitgespreek. “Die ondersoekspan moet die verdagtes vinnig opspoor en aan die pen laat ry,” het genl.maj. Thulani Phahla, waarnemende provinsiale polisiekommissaris, gesê.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

44 Kommentare

jongste oudste gewildste
Persheks Adri

Motief is vanselfsprekend hulle is blank en bly op ‘n plaas. Dis verskriklik hartseer om elke dag van die moorde te lees… Hoop die aanvallers word vinnig vas getrek!

Boere beveilig en bewapen julleself ons is sitting ducks in die verdomde land!

Wikkelwillie

Die motief: hulle was wit en sagte teikens.

Porseleintjie

Skiet die boere om hulself te beskerm, word hulle vir moord aangekla. Skiet hulle nie word hulle dan vermoor. Maak nie saak watter kant toe nie, ons boere het n “bedreigde spesie” in SA geword en hul lewens is vir die regering absoluut niks werd. Dalk moet die boere maar die land aan sy genade oorlaat twv die kosbaarheid van hul eie lewens.

JohanR

And who do we have to thank? Definitely not Boland Bank! Plaas boere jule is in ‘n terroriste oorlog betrokke. Kry vir else persoon in die huis ‘n geweer en dra hom al die tyd self in die stort. Maak planne vir wat elke persoon se rol sal wees as julle aan geval is. Maar as ek soe kyk na die geval het die lafaards net gewag todat die boer ry. Hulle het die boer se beweegings geken, soe miskien ‘n “inside job?” Nog ‘n wit boer wat deur moord seker nou sy plaas sal moet verlaat?

Stephan

Ek voel maar altyd opgewerk wanneer daar met ñ plaasmoord berig word dat die motief nie bekend is nie. Ons weet almal wat die motief is maar mag dit nie spreek nie. Die vlakke van geweld wat met hierdie dade gepaard gaan spreek tog vanself. Ons boere is uitgelewer. Maroela, jul sambreel organisasies is besig om werk te doen wat uitstaan, en al wil “our piepol” so graag, hulle kan dit nie ignoreer nie. Ek weet dit is ñ taak met ñ omvang wat nie maklik gaan wees, maar julle het die breinkrag van ñ klomp slim mense in jul… Lees meer »