Die nuuskanaal Newzroom Afrika sê sy senior verslaggewer Ziniko Mhlaba wat vroeër die dag by ’n stemlokaal in Soweto, Johannesburg, in hegtenis geneem is, het net sy werk gedoen en geen wet oortree nie.
Volgens die nuuskanaal het die joernalis en kameraman, Muraga Mphaphuli, die nodige toestemming van die Onafhanklike Verkiesingskommissie (OVK) gehad om in die stemlokaal verslag te lewer.
Maroela Media het vroeër berig Mhlaba is in hegtenis geneem nadat hy daarvan beskuldig is dat hy gemeng met die uitvoering van ʼn OVK-beampte se pligte.
Mhlaba was by ʼn skool in Soweto van waar hy ʼn regstreekse uitsending sou doen toe ʼn onderonsie tussen hom en polisiebeamptes by die stemlokaal ontstaan het.
Mhlaba, wat sê hy is ten volle geakkrediteer om die verkiesing te dek, sê polisiebeamptes het onder meer aan hom gesê dat die media nie in die vertrek waar stemme uitgebring word mag wees nie.
Die media word in stemlokale toegelaat, maar nie by stemhokkies waar kiesers hulle kruisies trek nie.
Newzroom Afrika het in ’n verklaring die voorval ten sterkste veroordeel.
“Mhlaba of Mphaphuli het nie enige bepalings van die kieswet verbreek of met die werk van enige OVK-beampte ingemeng nie,” lui die verklaring.
“Die veiligheid van ons verslaggewers is van kardinale belang. Dit is waarom ons dadelik ná die voorval opgetree het. As nuusuitsenders is dit ons plig om geloofwaardige inligting weer te gee en OVK-beamptes kan nie hierteen gaan nie. Ons neem hierdie saak baie ernstig op.”
Die polisie het bevestig dat die Gautengse polisiekommissaris ’n ondersoek na die voorval gelas het.
“Newzroom Afrika doen ’n beroep op die polisie en OVK om te verseker dat mediavryheid nooit weer só geskend sal word nie.”
Mhlaba is later vrygelaat en die OVK sê ʼn ondersoek sal na die voorval gedoen word.
[BREAKING NEWS] #Newzroom405's Journalist detained by cops during #LGE2021 coverage.
Tune into channel 405 for more details on this story.#Vote21 pic.twitter.com/wXFR1q74a3
— Newzroom Afrika (@Newzroom405) November 1, 2021
En so vertriu ins mense gladnie meer die polisie nie…
Sy doen haar bes om haar boude op TV te kry.
Dis nie eintlik moeilik nie.
Dit is die beste KFC hoenderboudjie van die jaar!
Ook maar net die een kant van die storie jy sal ook nooit die waarheid hoor nie
Die polisievrou wat die kamera met haar agterkant versper vertel my alles wat ek wil weet.
Jy kan mos die waarheid hoor. Sit jou klank aan
Die polisie het nie geweet hoe sal hulle weet wat aangaan in ‘n verkiesing lokaal hulle ken nie eers die wette van Suid-Afrika wat hulle veronderstel is om toe te pas.
Nog n geval waar die polisie baie dapper is wanneer hulle in die meerderheid is en burgerlikes betrokke is maar hulle hardloop weg wanneer geharde misdadigers betrokke is.
Die polisie het ‘n ernstige bedreiging geword vir die mense wat hulle moet dien,onbevoegde lede met onbevoegde leiers is ‘n resep waarvan niks goed kan kom nie.
Presies Jasper, húlle is ons vyande.
Nog ‘n berig dat die polisie sleg opgetree het. Wat gaan met hulle aan? Die OVK moet eerstens ondersoek hoekom mense so lank in rye moes staan om te stem, wat veroorsaak het dat baie mense omgedraai het, voordat hulle ander ondersoeke aanpak. Dan moet hulle, ipv daarvan om ongeskik te wees met mense, eerstens om verskoning vra aan die mense wat in die koue in lang rye vir 2 ure moes staan.
Die polisie beampte het reg opgetree volgens ANC reels en regulasies…die verslaggewer sou die korrupsie wat plaas vind binne in die kies lokaal mos raaksien en aan die publiek uitwys.
As die polisie dan aan die regte kant van die wet is met hulle optrede, hoekom dan die kamera toe staan. Is oor hulle weet hulle verkeerd is maar steed hulle “gesag” wil afdwing. Wil seker ook belangrik voel. So verbreek hulle net die publiek se vertroue verder