Nog 2 Covid-19-sterftes in SA aangemeld

(Foto: Timothy Bernard/ANA)

Die aantal bevestigde Covid-19-gevalle in Suid-Afrika het tot 1 655 gestyg.

Dit is 70 bykomende gevalle sedert die statistiek gister deur dr. Zweli Mkhize, minister van gesondheid, bekend gemaak is.

Mkhize het Sondagaand in ʼn verklaring gesê daar is nog twee sterftes aangemeld weens Covid-19 en dat die dodetal nou op 11 staan.

ʼn 82-jarige vrou is op 29 Maart in die hoësorgeenheid van ʼn hospitaal in die Wes-Kaap opgeneem. Haar simptome was koors, kortasemigheid, lyfseer, ʼn droë hoes en ʼn seer keel. Volgens Mkhize het die vrou ook aan diabetes, hipertensie en hoë cholesterol gely.

Die ander slagoffer is ʼn 86-jarige man wat op 26 Maart in ʼn hospitaal in KwaZulu-Natal opgeneem is met longontsteking en respiratoriese nood. Hy het ‘n onderliggende toestand van chroniese obstruktiewe lugwegsiekte gehad, aldus Mhize.

“Ons betuig ons innige meegevoel met die families van die oorledenes en wil graag die gesondheidswerkers wat hulle behandel het, bedank.”

Meer as 700 gevalle van Covid-19 is nou al in Gauteng aangemeld terwyl die Noord-Kaap met agt die minste gevalle in die land het.

Wil jy op hoogte bly van alle nuus oor Covid-19 op Maroela Media? Klik hier om in te teken op ʼn daaglikse nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Steady Eddie

Ek lewer graag kommentaar, as ‘n roker, oor die verbod op die aankoop van sigarette …
Ek het by ‘n winkelier ingestap en die persoon R30 gegee !!!
Die persoon was sooooo dankbaar, dat hy/sy vir my ‘n pakkie sigarette gegee het !!!
Natuurlik het ek sy/haar dankbaarheid waardeer !!!

Estelle

Steady Eddie ek het vir 30 jaar gerook. Nou al n jaar gelede opgehou – dis die lekkerste gevoel om nie die slaaf van iets te wees nie. Geen bekommernis dat my sigarette amper klaar is, of daai reuk aan my vingers nie. Ek moet egter se dat ek elke sigaret geniet het in my lewe, maar ek is dankbaar om vry te wees van die verslawing.

Erik

Ek is nie heeltemal seker hoekom sigaret verkope verbied word nie, maar kan aan 2 moontlike redes dink:

1. Die virus veroorsaak respiratoriese probleme en rokers sal dis moeiliker herstel van die virus en vinniger op ‘n ventilator gekoppel word, waarvan daar nie genoeg is nie.

2. Sigarette is nie ‘n noodsaaklike item soos kos nie.

Abel

Die inperking van drank en siggarette kan meer nagevolge hê as om met inperking te help. Diegene wat ‘n dampie maak en ‘n sopie neem is oor jare gewoond daar aan en dus word jou liggaam gewoond aan die stimulasie. Om dit nou meteens te stop wakker jy ander dinge aan wat kan negatief by dra tot so ‘n persoon se persoonlike lewe tydens inperking. Almal sukkel met die idee van “bly by die huis” en as die afwesigheid van nikotien en alkohol aansluit by dit kan dit tot probleme lei. Ek dink bv. aan wat van mense wat alkohliste… Lees meer »

Anel

Ek kan ook nie sien hoe kan ‘n hele land gestraf word vie die dood van 11 mense, wst moomtlik ook sou gesterf het aan gewone griep. Onthou, ons in Afrika is ‘ n sterk spesie. Ons is blootgestel aan baie kieme. Ons het oor die algemeen ‘n baie sterk imuniteitstelsel. So ja, as jy gewoonlik siek word in die winter of jy het ‘n swak gestel kan jy dalk siek word. Maar nou ja, ons mens word histeries omdat die buiteland hiseries is en ons moet hulle mos slaafs navolg. Maar daar het hulle nie verbod op drank en… Lees meer »