Beurtkrag is Saterdag vir ses uur opgeskort weens ʼn vermindering in die vraag na elektrisiteit.
Volgens Eskom is beurtkrag om 11:00 gestaak en die verposing sal tot 17:00 geld voor dit weer voortgaan. Fase 1-beurtkrag sou Saterdag tot 16:00 gegeld het.
Fase 2-beurtkrag sal van 17:00 tot 05:00 Sondagoggend toegepas word. Volgens Eskom sal daar dan Sondag tussen 05:00 en 16:00 weer geen beurtkrag wees nie. Fase 3 sou aanvanklik dan weer om 16:00 hervat en tot 05:00 Maandagoggend gegeld het maar volgens Eskom sal hy teen Sondagmiddag laat weet hoe die situasie verder sal kyk.
Daar was oorspronklik ook geen beurtkrag vir tussen 05:00 en 16:00 Maandag geskeduleer nie.
- Die berig is aangepas sedert dit aanvanklik gepubliseer is. – RED