Noordwes-boer vas oor poging tot moord

Martha Ndlovu, die ma van Tebogo Ndlovu, by die Mooinooi-polisiestasie op 23 Augustus 2017 tydens ‘n betoging deur die gemeenskap. Foto: ANA/Molaole Montsho

ʼn Boer is in hegtenis geneem in verband met die verdwyning van ʼn man in Majakaneng naby Brits, het die polisie in Noordwes Sondag gesê.

Die man sal na verwagting Maandag in die Brits-landdroshof verskyn op aanklag van poging tot moord, het brig. Sabata Mokgwabone, woordvoerder van die polisie, gesê.

Die verdagte is Saterdag in hegtenis geneem ná ʼn ondersoek oor die poging tot moord op die 24-jarige Tebogo Ndlovu van Majakaneng.

“Die verdagte het Ndlovu na bewering op 2 Augustus op een van die plase in die Mooinooi-distrik geskiet. Tebogo en twee ander mans het glo lemoene gesteel toe daar skote op hulle gevuur is,” het Mokgwabone verduidelik.

Ndlovu is getref en die twee persone wat saam met hom was, het weggehardloop. Ndlovu is sedertdien nog nie weer gesien nie.

“Die voorval is twee dae later by die polisie aangemeld. Ndlovu se verdwyning het egter tot gewelddadige betogings gelei en vyf voertuie is aan die brand gesteek en die N4, R104 en R566 is versper,” het Mokgwabone bygevoeg.

Hy het gesê die polisie het hard gewerk en die gebied deursoek sedert die voorval aangemeld is. “Die soektog na Ndlovu duur voort. Die polisie versoek enigiemand met inligting om die ondersoekspan te kontak by 082 416 0767.”

Lt.genl. Baile Motswenyane, provinsiale polisiekommissaris, het die span ondersoekbeamptes geloof vir hul werk. Sy maan lede van die gemeenskap om met die polisie saam te werk en hulself te weerhou om eiendom te beskadig en paaie te versper.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Besorgd

Geen lyk geen saak. Net jaamer die blankes word so geteiken.

LMF

Shame arme sapd en hulle gaan vir julle luister ek lees nerens dat daar bloed op die toneel gevind is nie of is daar en die een wat weg is het seker terug onderdeur die draad gehardloop genugtig weer swart op wit hul sê dit en sapd doen dit

anton

As daar nie n lyk/liggaam is nie, het die polisie nie n saak nie!!!
Wanneer gaan hulle die plaasmoordenaars begin vang met dieselfde ywer wat hulle jag maak op ons blankes.

Toppie

Poging tot moord en waar is die Ndlovo . Hulle het gesteel en was 3 teen 1, wat moes die boer doen, hulle mooi vra om sy lemoene nie te steel nie. Daar word daagliks op die plase gesteel en die goed word sommer in plastiek sakkies langs die pad verkoop, waar is die polisie, hulle weet dit is gesteelde goed maar hulle kry hulle deel van die gesteelde vrugte en groente .

Vermeende

Aangsien die boer in hegtenis geneem is vir poging tot moord sonder bewyse en nou in die hof moet verskyn so kan die SAPD mos ook optree en die ander twee arresteer vir diefstal sonder bewyse om hulle dag in die hof te kry.
Sal die menister die ondersoek span dan nog so loof?